মেঘালয় অনাৰ পূৰ্বে সোনমৰ অন্য স্বাস্থ্য পৰীক্ষাৰ লগতে গৰ্ভাৱস্থা পৰীক্ষাও সম্পন্ন
ইন্দোৰৰ ব্যৱসায়ী ৰাজা ৰঘুবংশীৰ পত্নী সোণমক হত্যাকাণ্ডৰ অভিযুক্তত দুদিন পূৰ্বে গাজীপুৰত উদ্ধাৰ হয়। মেঘালয় আৰক্ষীয়ে ট্ৰেনজিট ৰিমাণ্ডত আজি মঙলবাৰে লগত লৈ আহে সোনমক। ইয়াৰ পূৰ্বে কালি সোমবাৰে সোনমক চিজেএমৰ আদালতত হাজিৰ কৰোৱা হৈছিল। হাজিৰ কৰোৱাৰ পূৰ্বে সোনমৰ মেডিকো-লিগেল (Medico-Legal ) পৰীক্ষা কৰা হৈছিল।
চিকিৎসা-আইনী পৰীক্ষাৰ বাবে কিছুমান মানক পদ্ধতি আছে। প্ৰথমতে ব্যক্তিজনৰ নাম, বয়স আৰু অন্যান্য সবিশেষ লিপিবদ্ধ কৰা হয়। চিনাক্তকৰণৰ বাবে বিশেষ চিহ্ন যেনে টেটু পৰ্যন্ত লিপিবদ্ধ কৰা হয়। তাৰ পিছত বাহ্যিক শাৰীৰিক পৰীক্ষা কৰা হয়।
প্ৰয়োজন হ’লে আভ্যন্তৰীণ পৰীক্ষাও কৰিব পাৰি। যদি ব্যক্তিজনে আঘাতৰ অভিযোগ কৰে, তেন্তে আঘাতৰ কাৰণ, প্ৰভাৱ আৰু বিষৰ স্থানৰ সবিশেষ লিপিবদ্ধ কৰা হয়।
যদি এই পৰীক্ষা কোনো মহিলাৰ হয়, তেন্তে চিকিৎসা পৰীক্ষাৰ দলত এগৰাকী স্ত্ৰীৰোগ বিশেষজ্ঞক অন্তৰ্ভুক্ত কৰা হয়। প্ৰয়োজন হ’লে প্ৰস্ৰাৱ পৰীক্ষাৰ জৰিয়তে গৰ্ভাৱস্থা পৰীক্ষা কৰিব পাৰি। সাধাৰণতে এই সমগ্ৰ প্ৰক্ৰিয়াটো ৩০ মিনিটত সম্পূৰ্ণ হয়। বহু ক্ষেত্ৰত ইয়াতকৈ বেছি সময় লাগিব পাৰে।
এনে পৰীক্ষাৰ উদ্দেশ্য হৈছে ব্যক্তিজনৰ স্বাস্থ্যৰ অৱস্থা সঠিকভাৱে মূল্যায়ন কৰা আৰু আইনী প্ৰক্ৰিয়াত সহায় কৰা। ইয়াৰ দ্বাৰা আদালতত হাজিৰ হোৱাৰ আগতে ব্যক্তিজনৰ চিকিৎসাজনিত অৱস্থাৰ সম্পূৰ্ণ ৰেকৰ্ড উপলব্ধ হোৱাটো নিশ্চিত হয় ।
চিকিৎসকে সোনমৰ শৰীৰৰ সাধাৰণ শাৰীৰিক পৰীক্ষা কৰে। ইয়াৰ ভিতৰত মূৰ, ডিঙি, বুকু, পেট, হাত, ভৰি আৰু ছাল পৰীক্ষাও অন্তৰ্ভুক্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
