NASAৰ মহাকাশচাৰী সুনীতা উইলিয়ামছৰ আজি ওপজা দিন৷ ১৯ ছেপ্টেম্বৰ অৰ্থাৎ আজি সুনীতাই ৫৯সংখ্যক জন্মদিন পালন কৰিছে আন্তৰ্জাতিক মহাকাশ ষ্টেচনতেই৷ এইবাৰ দ্বিতীয়বাৰৰ বাবে তেওঁ মহাকাশত জন্মদিনটোক উদযাপন কৰিছে৷ উইলিয়ামছ আৰু তেওঁ সহ নভোশ্বৰ বেৰি উইলমোৰৰ সৈতে ৬ জুনৰ পৰা মহাকাশতেই আছে সুনীতা৷ মহাকাশযানৰ প্ৰযুক্তিগত সমস্যাৰ বাবে তেওঁলোক উভতি আহিব পৰা নাই৷ মহাকাশত আৱদ্ধ সুনীতাৰ সৈতে ভাৰতৰো আছে বিশেষ সম্পৰ্ক৷ জন্মদিনতেই জানি থওক সুনীতাৰ কেইটামান বিশেষ কথা৷
সুনীতাই ১৯ ছেপ্টেম্বৰ ১৯৬৫ চনত ইউক্লিড, ওহিওত জন্মগ্ৰহণ কৰিছিল৷ বৰ্তমান তেওঁ তৃতীয় মহাকাশ মিছন লৈ মহাকাশত আৱদ্ধ হৈ আছে৷ তেওঁ ডিচেম্বৰ ২০০৬ৰ পৰা জুন ২০০৭ পৰ্যন্ত মহাকাশত থাকি অহাৰ অভিজ্ঞতাৰে পুষ্ট৷ তাৰপাছতেই ২০১২ চনৰ জুলাই মাহৰ পৰা নৱেম্বৰলৈকে আন এক অভিযান চলাই মহাকাশত৷ সেই মিছনৰ সময়ত প্ৰথমবাৰৰ বাবে মহাকাশত তেওঁৰ জন্মদিন পালন কৰা হৈছিল৷
সুনীতাৰ যদি শিক্ষাগত অৰ্হতা চোৱা যায় তেন্তে, তেওঁ মাৰ্কিন নেভাল একাডেমিৰ পৰা জীৱ বিজ্ঞানত স্নাতক আৰু ফ্লোৰিডা ইনষ্টিটিউট অৱ টেকনোলজিৰ পৰা ইঞ্জিনিয়াৰিং মেনেজমেণ্টত স্নাতকোত্তৰ৷ উইলিয়ামছৰ উল্লেখযোগ্য কৰ্মজীৱনত তেওঁ এগৰাকী সফল মহাকাশ বিজ্ঞানীও৷
এইবাৰৰ মিছন অৱশ্যে তেওঁৰ কেৰিয়াৰৰ সবাতোকৈ দীঘলীয়া মিছন৷ এই সময় এতিয়া প্ৰায় ১বছৰেই হ’ব৷ তেওঁ আৰু উইলমোৰে স্পেছ এক্সৰ ড্ৰেগন ক্ৰুৰ মহাকাশযানেৰে ২০২৫ৰ ফেব্ৰুৱাৰীত পৃথিৱীলৈ উভতি অহাৰ সম্ভাৱনা আছে৷ তেওঁলোকৰ প্ৰত্যাবৰ্তন বোয়িং ষ্টাৰলাইনাৰৰ সমস্যাৰ সমাধানৰ ওপৰত নিৰ্ভৰশীল৷ যি যান সম্প্ৰতি প্ৰযুক্তিগত সমস্যাৰ কাৰণে পৃথিৱীলৈ খালিকৈ উভতি আহিছে৷
জৰুৰী পৰিস্থিতিত NASA আৰু স্পেছএক্সে ড্ৰেগন মহাকাশযানে প্ৰস্তুত কৰিছে যি যানেৰে উভতাই অনা হ’ব সুনীতা আৰু উইলমোক৷ সুনীতা যিহেতু ভাৰতীয় ভাৰতীয়মূলৰ সেয়ে তেওঁ পূৰ্বে কৰা মহাকাশযাত্ৰাত লগত লৈ গৈছিল ভাগৱত গীতাৰ এক অনুলিপি, ভগৱান গণেশৰ এটা মূৰ্তি৷ মহাকাশত বৰ্তমানলৈকে প্ৰায় ৩০০তকৈ বেছি দিন কটালে সুনীতাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
