বিবাহ বিচ্ছেদৰ পাছত মুছলমান পত্নীয়ে স্বামীৰ পৰা দাবী কৰিব পাৰিব মাহিলী ভাট্টা- উচ্চতম ন্যায়ালয়
মুছলমান মহিলা সন্দৰ্ভত উচ্চতম ন্যায়ালয়ৰ বিশেষ ৰায়দান। এতিয়াৰ পৰা মুছলমান বিবাহ বিচ্ছেদিত মহিলা সকলেও স্বামীৰ পৰা লাভ কৰিব মাহিলী ভাট্টা। আজি উচ্চতম ন্যায়ালয়ে এই বিষয়ত বিশেষ ৰায় দিয়ে।
ধাৰা ১২৫ ৰ অন্তৰালত এতিয়াৰ পৰা বিবাহ বিচ্চেদিত মহিলা সকলেও লাভ কৰিব স্বামীৰ পৰা মাহিলী ভাট্টা। এয়া মহিলা সকলৰ অধিকাৰ বুলি মন্তব্য কৰে উচ্চতম ন্যায়ালয়ে। যদিহে পূৰ্বৰ স্বামীয়ে মাহিলী ভাট্টা দিয়াৰ ক্ষেত্ৰত মানা কৰে তেন্তে ১২৫ ধাৰাৰ অধীনত গোৰচ তৰিব পাৰিব
বুধবাৰে ১০ জুলাই তাৰিখে উচ্চতম ন্যায়ালয়ে মুছলমান মহিলা সন্দৰ্ভত এক ডাঙৰ সিদ্ধান্ত গ্ৰহণ কৰে। আদালতে পুনৰ এটা গুৰুত্বপূৰ্ণ সিদ্ধান্তত স্পষ্ট কৰি দিছে যে চি আৰ পি চিৰ ১২৫ নং ধাৰাত এগৰাকী মুছলমান মহিলাই স্বামীৰ পৰা ভৰণ-পোষণৰ দাবী কৰিব পাৰে।
তেলেংগানা উচ্চ ন্যায়ালয়ে পত্নীক ভৰণ-পোষণৰ ধন দিবলৈ দিয়া নিৰ্দেশক উচ্চতম ন্যায়ালয়ত প্ৰত্যাহ্বান জনাইছিল এজন মুছলমান লোকে। বুধবাৰে এই আবেদনৰ শুনানি গ্ৰহণ কৰাৰ সময়ত আদালতে ৰক্ষণাবেক্ষণ ভাট্টা সন্দৰ্ভত এক গুৰুত্বপূৰ্ণ সিদ্ধান্ত লৈছে। মহম্মদ আব্দুল ছামাদ নামৰ এজন ব্যক্তিয়ে উচ্চতম ন্যায়ালয়ত আবেদন দাখিল কৰিছিল।
ন্যায়াধীশ বি ভি নাগাৰাথনা আৰু অগাস্টিন জৰ্জ মাছিহেৰে গঠিত উচ্চতম ন্যায়ালয়ৰ বিচাৰপীঠে চি আৰ পি চিৰ ১২৫ নং ধাৰাত বিবাহ বিচ্ছেদ হোৱা পত্নীক ভৰণ-পোষণ দিয়াৰ নিৰ্দেশৰ বিৰুদ্ধে মহম্মদ আব্দুল ছামাদে দাখিল কৰা আবেদন নাকচ কৰে।
আদালতে ৰায় দিয়ে যে ‘মুছলিম মহিলা (বিবাহ বিচ্ছেদৰ ওপৰত অধিকাৰ সুৰক্ষা) আইন ১৯৮৬’ ধৰ্মনিৰপেক্ষ আইনৰ ওপৰত প্ৰাধান্য পাব নোৱাৰে। ন্যায়াধীশ নাগাৰাথানা আৰু ন্যায়াধীশ মাছিহে পৃথক পৃথক, কিন্তু সৰ্বসন্মতিক্ৰমে ৰায় দিয়ে। উচ্চ ন্যায়ালয়ে মহম্মদ ছামাদক ১০ হাজাৰ টকাৰ মাহিলী খৰচ আদায় দিবলৈ নিৰ্দেশ দিছিল।
ৰায়দান কৰি ন্যায়াধীশ নাগাৰাথানাই কয় যে আমি এই সিদ্ধান্ত লৈ অপৰাধমূলক আবেদন খাৰিজ কৰিছো যে চি আৰ পি চিৰ ১২৫ নং ধাৰা কেৱল বিবাহিত মহিলাৰ ক্ষেত্ৰত নহয়, সকলো মহিলাৰ ক্ষেত্ৰত প্ৰযোজ্য।
আদালতে নিজৰ সিদ্ধান্তত এইটোও কয় যে যদিহে চি আৰ পি চিৰ ১২৫ নং ধাৰাত আবেদন স্থগিত ৰখাৰ সময়ত সংশ্লিষ্ট মুছলমান মহিলাগৰাকীৰ বিবাহ বিচ্ছেদ হয়, তেন্তে তেওঁ ‘মুছলমান মহিলা (বিবাহ বিচ্ছেদৰ ওপৰত অধিকাৰ সুৰক্ষা) আইন ২০১৯’ৰ সহায় ল’ব পাৰে। আদালতে কয় যে ‘মুছলিম আইন ২০১৯’ত চি আৰ পি চিৰ ১২৫ নং ধাৰাত প্ৰতিকাৰৰ বাহিৰে অন্য প্ৰতিকাৰৰ ব্যৱস্থা কৰা হৈছে।
কি হয় এই চি আৰ পি চিৰ ১২৫ নং ধাৰা-
শ্বাহ বানো গোচৰৰ ৰায়দান দিওঁতে উচ্চতম ন্যায়ালয়ে কৈছিল যে চি আৰ পি চিৰ ১২৫ নং ধাৰাটো ধৰ্মনিৰপেক্ষ বিধান, যিটো মুছলমান মহিলাৰ ক্ষেত্ৰতো প্ৰযোজ্য। কিন্তু ‘মুছলিম মহিলা (বিবাহ বিচ্ছেদৰ ওপৰত অধিকাৰ সুৰক্ষা) আইন, ১৯৮৬’ৰ জৰিয়তে ইয়াক বাতিল কৰা হৈছিল। ইয়াৰ পিছত ২০০১ চনত আইনখনৰ বৈধতা বজাই ৰখা হয়। চি আৰ পি চিৰ ১২৫ নং ধাৰাত পত্নী, সন্তান আৰু পিতৃ-মাতৃৰ ভৰণ-পোষণৰ ব্যৱস্থা আছে।
চি আৰ পি চিৰ ১২৫ নং ধাৰাত কোৱা হৈছে যে যদি কোনো ব্যক্তিয়ে নিজৰ পত্নী, সন্তান বা পিতৃ-মাতৃক পোহপাল দিবলৈ অস্বীকাৰ কৰে, যদিও তেওঁ তেনে কৰিবলৈ সক্ষম। এনে পৰিস্থিতিত আদালতে তেওঁক ভৰণ-পোষণৰ বাবে মাহিলী ভাট্টা দিবলৈ নিৰ্দেশ দিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ