অসম লাইভ২৪ঃ বিশ্বৰ ধনী ব্যক্তিৰ তালিকাত তৃতীয় স্থানত আছে পেল গ্ৰেমী জয়ী গায়ক টেলৰ ছুইফটৰ মেকুৰীটো৷ সামাজিক মাধ্যমত অলিভিয়া নামৰ বিশেষ মেকুৰীটো এটা তাৰকাই বুলিব পাৰি৷ অলিভিয়া বিশ্বৰ আটাইতকৈ ধনী মেকুৰী বুলি সমীক্ষাত প্ৰকাশ পাইছে৷ কিন্তু অলিভিয়াৰ মুঠ সম্পত্তি কিমান জানেনে?
২০১৪ চনৰ পৰা অলিভিয়া, টেলৰ নামৰ সংগীত শিল্পীগৰাকীৰ সৈতে আছে৷ অলিভিয়াৰ ওপৰিও আন দুটা মেকুৰি আছে টেলৰৰ৷ অলিভিয়াৰ নিজস্ব কোনো ইনষ্টাগ্ৰাম একাউণ্ট নাই৷ টেলৰৰ নিজা একাউণ্টৰ পৰাহে মাজে মাজে অলিভিয়াৰ ফটো আপলোড কৰে৷ টেলৰৰ একাউণ্টৰ পৰা জনপ্ৰিয়তা অৰ্জন কৰা অলিভিয়া নামৰ মেকুৰীটোৱে একাধিক মিউজিক ভিডিঅ’তো অভিনয় কৰিছে৷
সামাজিক মাধ্যমত অলিভিয়াৰ অনুৰাগীৰ সংখ্যা বহু বেছি৷ বৰ্তমান জনপ্ৰিয়তাৰ শীৰ্ষত থকা অলিভিয়াৰ বজাৰ মূল্য প্ৰায় ৮০০ কোটি টকা৷ ইফালে সংগীতশিল্পী টেলৰৰ সম্পত্তিৰ পৰিমান ৪৭০০ কোটিৰো অধিক৷ টেলৰৰ সম্পত্তিৰ এটা অংশ অলিভিয়াৰো৷ সেই সূত্ৰে অলিভিয়া বিশ্বৰ ধনী জন্তুৰ শীৰ্ষত বুলি একাংশ সূত্ৰই প্ৰকাশ কৰা পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
