ভাৰতীয় ক্ৰিকেট টিমৰ নতুন জাৰ্ছি স্পনছৰ হৈছে এপল টায়াৰ্ছ, Dream11 ৰ সলনি এইবাৰ জাৰ্ছিত লিখা থাকিব Apollo Tyres ৰ লগ’৷ মঙলবাৰে এই বিষয়ে অফিচিয়েল ঘোষণা কৰিলে বি চি চি আইয়ে৷ আগন্তুক ২০২৭ চন পৰ্যন্ত টিম ইণ্ডিয়াৰ জাৰ্ছি স্পনছৰ থাকিব টায়াৰ নিৰ্মাতা সংস্থা৷
কিয় বাদ দিয়া হ’ল Dream11 ক?
দেশত একাধিক বেটিং এপৰ ওপৰত নিষেধাজ্ঞা জাৰি কৰা হৈছে৷ প্ৰকৃততে ধন দি অনলাইন গেম খেলাৰ ওপৰত নিষেধাজ্ঞা আৰোপ কৰা হয়৷ তাৰপিছতেই Dream11 ৰ সৈতে বৰ্ডৰ চুক্তি বাতিল হৈ যায়৷ দীৰ্ঘদিন ধৰি টিম ইণ্ডিয়াক জাৰ্ছি স্পনছৰ আছিল এই অনলাইন বেটিং প্লেটফৰ্ম৷
বৰ্তমান এছিয়া কাপত ইণ্ডিয়ান খেলুৱৈৰ টীমত কোনো জাৰ্ছি স্পনছৰ নাই৷ ছোৱালীৰ টিমেও অষ্ট্ৰেলিয়াৰ বিৰুদ্ধে তিনি মেচৰ ছিৰিজত কোনো স্পনছৰ অবিহনেই খেলিব৷
কিমান টকাৰ চুক্তি?
জনা গৈছে নতুন টেণ্ডাৰত Apollo Tyres য়ে মেচে প্ৰতি ৪.৫ কোটি টকা দিয়াৰ প্ৰতিশ্ৰুতি দিছে৷ ইয়াৰ পূৰ্বে Dream11 মেচৰ বিপৰীতে দিছিল ৪ কোটি টকা৷ অৰ্থাৎ এই নতুন চুক্তিত আয় বাঢ়িছে বৰ্ডৰ৷
উল্লেখ্য যে বিগত ২ ছেপ্টেম্বৰত নতুন জাৰ্ছি স্পনছৰৰ বাবে টেণ্ডাৰ দিছিল বিচিচিআইয়ে৷ তাতেই গেমিং, বেটিং, ক্ৰিপ্টো আৰু তামাক কোম্পানীয়ে এই বিডিঙত অংশ ল’ব নোৱাৰিব বুলি আৰম্ভণিতেই জনাই দিছিল৷ বিজ্ঞাপন জগতৰ বিশেষজ্ঞসকলৰ মতে এই সিদ্ধান্তত দুই পক্ষৰেই লাভ৷ টকাৰ অংক ডাঙৰ হলেও টিম ইণ্ডিয়াৰ জাক্ছিত থকাৰ পৰা ডাঙৰ ব্ৰেণ্ডিং হয়৷ ফলত আগন্তুক দিনত Apollo Tyres আন্তৰ্জাতিক মঞ্চত প্ৰচাৰৰ সুযোগ পাব৷ অন্যহাতে টিম ইণ্ডিয়াইয়ো পূৰ্বৰ তুলনাত মেচে প্ৰতি আৰু ৫০ লাখ টকাতকৈ বেছি স্পনচৰশ্বিপ পাব৷
২০২৭ পৰ্যন্ত চুক্তি
চুক্তি অনুসৰি ২০২৭ চন পৰ্যন্ত টিম ইণ্ডিয়াৰ অফিচিয়েল জাৰ্ছি স্পনছৰ থাকিব Apollo Tyres। ফলত আসন্ন সকলো টুৰ্নামেণ্টত এই ব্ৰেণ্ডকেই সংগী হিচাপে দেখা যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
