অন্ধ্ৰ প্ৰদেশৰ গুদুৰ গাঁৱৰ পিছতে তেলেংগানাৰ জগটিয়াল জিলাৰ এখন গাঁৱে এতিয়া আইচক্ৰীমৰ বিৰুদ্ধে কঠোৰ ব্যৱস্থা গ্ৰহণ কৰিছে। আইচক্ৰীমৰ গাড়ী মেটলা চিত্তপুৰ গাঁৱত প্ৰৱেশ সম্পূৰ্ণৰূপে নিষিদ্ধ কৰা হৈছে। নিয়ম উলংঘা কৰা যিকোনো গাড়ীৰ বাবে ৫ হাজাৰ টকাৰ জৰিমনা বিহা হ’ব।
খবৰ অনুসৰি মেটপল্লী মণ্ডলৰ মেটলা চিত্তপুৰ গাঁৱৰ বয়োজ্যেষ্ঠ আৰু গাঁৱৰ ৰাইজে এখন সভা পাতি গাঁওখনত আইচক্ৰীমৰ গাড়ী সোমাবলৈ নিদিয়াৰ সিদ্ধান্ত লয়। গাঁওখনৰ প্ৰৱেশ পইণ্ট আৰু মূল ছেক্সনত বৃহৎ বেনাৰ লগোৱা হৈছে। বেনাৰবোৰত স্পষ্টকৈ লিখা আছে, “গাঁৱত আইচক্ৰীম বিক্ৰী কৰিলে ৫ হাজাৰ টকাৰ জৰিমনা ভৰিব লাগিব।”
কিয় নিষিদ্ধ হ’ল?
গাঁওবাসীয়ে কয় যে বজাৰত বিক্ৰী হোৱা বহু সস্তীয়া আইচক্ৰীম অস্বাস্থ্যকৰ পৰিস্থিতিত উৎপাদিত আৰু ৰং আৰু সোৱাদৰ বাবে ক্ষতিকাৰক ৰাসায়নিক পদাৰ্থ ব্যৱহাৰ কৰা হয়, যিবোৰ শিশুৰ স্বাস্থ্যৰ বাবে বিপদজনক। গাঁৱৰ বয়োজ্যেষ্ঠসকলৰ মতে, শিশুসকল প্ৰায়ে এনে আইচক্ৰীম খাই অসুস্থ হৈ পৰে। সেয়েহে শিশুসকলৰ স্বাস্থ্যক অগ্ৰাধিকাৰ দিবলৈ এই কঠোৰ সিদ্ধান্ত গ্ৰহণ কৰা হৈছিল।
এই সিদ্ধান্ত ছ’চিয়েল মিডিয়াত ভাইৰেল হৈ পৰে
জৰিমনা বিহাৰ সতৰ্কবাণীৰে গাওঁখনত লগোৱা বেনাৰ আৰু পোষ্টাৰ দ্ৰুতগতিত ভাইৰেল হৈ পৰিছে ছ’চিয়েল মিডিয়াত। আশে-পাশে থকা গাঁৱৰ মানুহেও এই পদক্ষেপক প্ৰশংসা কৰিছে। বহুতে বিশ্বাস কৰে যে মিহলি থকা খাদ্যৰ ফলত হোৱা ৰোগ প্ৰতিৰোধৰ বাবে এনে কঠোৰ ব্যৱস্থাৰ প্ৰয়োজন।
শিশুৰ স্বাস্থ্য সম্পৰ্কে সজাগতা বৃদ্ধি
এই সিদ্ধান্ত কেৱল গাঁৱৰ নিয়ম নহয়, বৰঞ্চ খাদ্য সুৰক্ষা আৰু শিশুৰ স্বাস্থ্যৰ প্ৰতি সজাগতা বৃদ্ধিৰ উদাহৰণ। গাঁৱৰ ৰাইজে কয় যে ৰুচি বা সুবিধাতকৈ শিশুৰ স্বাস্থ্য অধিক গুৰুত্বপূৰ্ণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
