দুৰ্গা পূজাক কেন্দ্ৰ কৰি মহানগৰীত আইন-শৃংখলা বজাই ৰখা, যান-বাহন চলাচল নিয়ন্ত্ৰণ কৰা আৰু পূজাৰ সময়ছোৱাত ৰাইজৰ নিৰাপত্তা নিশ্চিত কৰাৰ বাবে আৰক্ষীয়ে বিভিন্ন নিৰ্দেশনা জাৰি কৰিছে। পূজাৰ সময়ত যাতে কোনো ধৰণৰ অপ্ৰীতিকৰ পৰিস্থিতিৰ সৃষ্টি নহয়, তাৰ বাবে প্ৰশাসনে বিশেষ সতৰ্কতা অৱলম্বন কৰিছে। পূজাৰ দিনকেইটাত পূজা মণ্ডপসমূহত ভক্তৰ ভিৰ বৃদ্ধি পোৱাৰ লগতে মহানগৰীৰ পথসমূহতো যান-বাহনৰ চলাচল বৃদ্ধি পায়। এনে পৰিস্থিতিত যান-জঁট নিয়ন্ত্ৰণ, শব্দ প্ৰদূষণ ৰোধ, জনসাধাৰণৰ সুৰক্ষা আৰু শান্তিপূৰ্ণভাৱে পূজা উদ্যাপন নিশ্চিত কৰাই আৰক্ষীৰ অন্যতম লক্ষ্য।
গুৱাহাটীৰ মহানগৰ এলেকাত দুর্গা পূজাৰ সময়ছোৱাত সাধাৰণ ৰাইজ বিশেষকৈ শিশু, ছাত্র-ছাত্রী, মহিলা, জ্যেষ্ঠ নাগৰিক আৰু দিব্যাংগ ব্যক্তিৰ দৰে পথ ব্যৱহাৰকাৰীসকলৰ সুৰক্ষা সুনিশ্চিত কৰাৰ লগতে এম্বুলেঞ্চ, অগ্নিনির্বাপক বাহন আদি জৰুৰীকালীন সেৱাৰ বাহনসমূহৰ অবাধ চলাচলৰ সুবিধাৰ্থে ১৬ অক্টোবৰৰ পৰা ২০ অক্টোবৰলৈ মহানগৰীত যান-বাহনৰ চলাচলৰ ক্ষেত্ৰত তলত উল্লেখ কৰা বাধা-নিষেধসমূহ বলবৎ কৰা হ’ব।
সামগ্রী কঢ়িওৱা বাহনৰ চলাচলৰ ক্ষেত্রত নিষেধাজ্ঞা:
- দুর্গা পূজাৰ সময়ছোৱাত ২০২৬ চনৰ ১৬ অক্টোবৰৰ পৰা ২০ অক্টোবৰলৈ প্ৰতিদিনে পুৱা ৪ বজাৰ পৰা দুপৰীয়া ১২ বজালৈ সামগ্রী কঢ়িওৱা বাহনসমূহক মহানগৰীত প্ৰৱেশৰ অনুমতি দিয়া হ’ব।
- দুপৰীয়া ২ বজাৰ পৰা নিশা ২ বজালৈ যান-বাহনৰ প্ৰৱেশ নিষিদ্ধকৰণ।
- দিছপুৰ আৰক্ষী থানা এলেকাত মহানগৰীত চলাচল কৰা চিটি বাছৰ ক্ষেত্রত নির্দেশনা- বশিষ্ঠ মন্দিৰৰ পৰা ধাৰাপুৰলৈ চলাচল কৰা চিটি বাছ (বশিষ্ঠ চাৰিআলি-বেলতলা তিনিআলি-ছার্ভে-চুপাৰমার্কেট-গণেশগুৰি উৰণ সেতু-পল্টনবজাৰ-এ. টি. ৰোড-ভৰলুমুখ-মালিগাঁও পথেৰে চলাচল কৰা বাছ।সমূহ বশিষ্ঠ চাৰিআলি-কইনাধৰা পইণ্ট-খানাপাৰা, জি. এছ, ৰোড-পল্টনবজাৰ-নেপালী মন্দিৰ-এ. টি. ৰোড-ভৰলুমুখ হৈ ধাৰাপুৰলৈ চলাচল কৰিব লাগিব।
- আদাবাৰী বাছ আস্থানৰ পূৰা লালগণেশলৈ চলাচল কৰা চিটি বাছ (মালিগাঁও-কাছাৰী-ৰবীন্দ্র ভৱন-গুৱাহাটী ক্লাব-চান্দমাৰী উৰণ সেতু-জু-ৰোড-গণেশগুৰি-গণেশ মন্দিৰ-কাহিলীপাৰা-লালগণেশ পথেৰে চলাচল কৰা বাছ। সমূহ মালিগাঁও-কাছাৰী-ববীন্দ্র ভৱন-গুৱাহাটী ক্লাব-চান্দমাৰী উৰণ সেতু-জু-ৰোড উৰণ সেতু-গণেশগুৰি উৰণ সেতু-ছুপাৰমার্কেট-লাষ্ট গেট-ৰাজধানী মছজিদ-গণেশ মন্দিৰ হৈ লালগণেশলৈ চলাচল কৰিব লাগিব।
- পাঞ্জাবাৰীৰ পৰা ধাৰাপুৰলৈ চলাচল কৰা চিটি বাছ (ছয়মাইল-ছুপাৰমার্কেট-লাষ্ট গেট-গণেশ মন্দিৰ-জু-ৰোড-চান্দমাৰী-এম. জি. ৰোড পথেৰে চলাচল কৰা বাছ) সমূহ পাঞ্জাবাৰী পথ-ভি. আই পি. ৰোড-নুনমাটি-চান্দমাৰী-এম. জি. ৰোড হৈ নির্দিষ্ট গন্তব্যস্থানলৈ চলাচল কৰিব লাগিব।
- ধাৰাপুৰৰ পৰা উভতি অহা চিটি বাছসমূহ: মালিগাঁও-চান্দমাৰী-জু-ৰোড-গণেশগুৰি উৰণ সেতুৰ ওপৰেদি-ছয়মাইল উৰণ সেতু-পাঞ্জাবাৰী পথেৰে চলাচল কৰিব লাগিব।
- হাতীগাঁৱৰ পৰা ধাৰাপুৰলৈ চলাচল কৰা চিটি বাছ (হাতীগাঁও চাৰিআলি-ৰাজধানী মছজিদ-আৰ. পি. ৰোড-গণেশগুৰি উৰণ সেতুৰ তলেৰে-জু-ৰোড-চান্দমাৰী-এম. জি. ৰোড-ধাৰাপুৰ পথেৰে চলাচল কৰা হ’ব) উভতি অহাৰ সময়ত ধাৰাপুৰ-এম. জি. ৰোড-চান্দমাৰী-জু-ৰোড-গণেশগুৰি উৰণ সেতু-ছুপাৰমার্কেট-লাষ্ট গে’ট-ৰাজধানী মছজিদ-হাতীগাঁও চাৰিআলি হৈ হাতীগাঁৱলৈ উভতিব লাগিব।
আন্তঃজিলা বাছৰ ক্ষেত্ৰত নির্দেশনা:
নামনি অসমৰ ফালৰ পৰা পল্টনবজাৰ অভিমুখে অহা অসম ৰাজ্যিক পৰিবহণ নিগমৰ (এ. এছ. টি. চি.) বাছসমূহক জালুকবাৰীৰ ফালৰ পৰা মহানগৰীত প্ৰৱেশ কৰিবলৈ দিয়া নহ’ব। এই বাছসমূহক আন্তঃৰাজ্যিক বাছ আস্থান (আই এছ. বি. টি.) লৈ যাবলৈ নির্দেশ দিয়া হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
