আগন্তুক ৭ ছেপ্টেম্বৰ শনিবাৰৰ পৰা আৰম্ভ হৈছে গণেশ উৎসৱ৷ মূলত পশ্চিম ভাৰতৰ উৎসৱ হ’লেও আমাৰ ৰাজ্যতো বিগত কেইবাবছৰ ধৰি ধূমধামেৰে পালিত হৈ আহিছে গণেশ পূজা৷ ১৭ ছেপ্টেম্বৰ পৰ্যন্ত চলিব গণেশ উৎসৱ৷ জ্ঞান আৰু বুদ্ধিৰ দেৱতা গণেশ হৈছ বিঘ্নহৰ্তা, সিদ্ধিদাতা৷ তেওঁ আমাৰ সকলোকে বিপদৰ পৰা ৰক্ষা কৰে আৰু মনোকামণা পূৰ্ণ কৰে৷ গণেশৰ আশীৰ্বাদত কেৰিয়াৰত উন্নতি সম্ভৱ হয় আৰু সম্পদ লাভৰো যোগ আছে৷
গণেশ পূজাৰ শুভ যোগ
এই বছৰ গণেশ চতুৰ্থীত বেছ কেইবাটাও শুভ যোগ আছে৷ এইসমূহ হৈছে সৰ্বাৰ্থ সিদ্ধি যোগ, ব্ৰহ্মা যোগ আৰু ইন্দ্ৰ যোগ৷ তাৰ সৈতে থাকিব স্বাতী নক্ষত্ৰ আৰু চিত্ৰা নক্ষত্ৰ৷ ১০০ বছৰ পাছত গণেশ চতুৰ্থীত এইসমূহ শুভ যোগ পৰিছে৷ জানি থওক গণেশ পুজাত সিদ্ধিদাতাৰ কৃপাত কাৰ কাৰ ভাগ্যোদয় হ’ব৷
বৃষ ৰাশি
গণেশ চতুৰ্থীৰ দিনাৰ পৰাই আপোনাৰ জীৱনৰ সকলো বাধা দূৰ কৰিব স্বয়ং বিঘ্নহৰ্তা৷ ইয়াৰ ফলত আৰ্থিকভাৱে লাভৱান হ’ব বৃষ ৰাশিৰ জাতক৷ আপোনাৰ মনৰ পৰা টেনছন আৰু দ্বিধা দ্বন্দ দূৰ হ’ব৷ চাকৰিত কোনো সমস্যা থাকিলে সেয়াও এই সময়ত দূৰ হ’ব৷ দাম্পত্যৰ সম্পৰ্কত মাধুৰ্য থাকিব৷ নিজৰ লক্ষ্য অৰ্জন কৰাত সফল হ’ব৷ কাৰ্যালয়ত আপোনাৰ কামৰ প্ৰশংসা পাব৷ নতুন কোনো কাম কৰাৰ বাবে এই সময় শুভ৷
কন্যা ৰাশি
গণেশ চতুৰ্থীৰ শুভ যোগৰ প্ৰভাৱত নিজৰ সকলো অসম্পূৰ্ণ কাম সম্পূৰ্ণ কৰিব পাৰিব কন্যা ৰাশিৰ জাতকে৷ সন্তানৰ দিশৰ পৰা কোনো সুখবৰ পাব পাৰে৷ সন্তানৰ পঢ়াশুনাত থকা সকলো বাধা দূৰ হ’ব৷ সংসাৰত সুখ শান্তি আৰু লাভ কৰিব কন্যা ৰাশিৰ জাতকে৷ সহকৰ্মীসকলৰ সৈতে সম্পৰ্ক ভালে থাকিব৷
বৃশ্চিক ৰাশি
গণেশ চতুৰ্থীত আনন্দ আৰু সমৃদ্ধি আহিব বৃশ্চিক ৰাশিক জাতকৰ জীৱনত৷ এই সময়ত সমাজত আপোনাৰ সন্মান আৰু প্ৰতিপত্তি বাঢ়িব৷ নিজৰ এক পৃথক পৰিচয় গঢ়ি তুলিব পাৰিব বৃশ্চিক ৰাশিৰ জাতকে৷ পঢ়াশুনাৰ ছাত্ৰ ছাত্ৰীয়ে ভাল ফল লাভ কৰিব৷ গণপতিৰ আশীৰ্বাদত আৰ্থিক সংকট দূৰ হ’ব আৰু নিজৰ কেৰিয়াৰৰ গ্ৰাফ এই সময়ত ওপৰলৈ যাব৷ যিসকলে ব্যৱসায় কৰি আছে তেওঁলোকে নতুন চুক্তি চূড়ান্ত কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
