অসম লাইভ২৪ঃ ৰাশিচক্ৰত মেষৰ পৰা মীন পৰ্যন্ত মুঠ ১২ টা ৰাশি আছে। আমি প্ৰত্যেকেই এই ১২ ৰাশিৰ মাজৰ কোনোবা নহয় কোনোবা এটা জাতকৰ ভিতৰত পৰো। প্ৰত্যেক ৰাশিৰ জাতকৰে পৰস্পৰৰ পৰা পৰস্পৰৰ স্বভাৱ, চৰিত্ৰ আৰু মানসিকতা পৃথক পৃথক হয়। জীৱনত কি কৰিব খোজে সেই লক্ষ্যও পৃথক পৃথক হয়। আটাইকেইটা ৰাশিৰ ভিতৰত ৪ টা ৰাশিৰ জাতকে জীৱনত যিকোনো উপায়েৰে বিখ্যাত হ’ব খোজে। বহু মানুহে এওঁলোকক জানিব, চিনি পাব অৰ্থাৎ নিজৰ প্ৰচাৰত বিশেষভাৱে গুৰুত্ব দি ভালপায় এইকেইটা ৰাশিৰ জাতকে। জানি থওক জীৱনত খ্যাতিৰ শীৰ্ষত উঠিব বিচাৰে কোন কোন ৰাশিৰ জাতকে।
সিংহ ৰাশি
সিংহ ৰাশিৰ গ্ৰহ অধিপতি হৈছে সূৰ্য। এওঁলোকে নিজৰ মনৰ কথা সকলোৰে সন্মুখত স্পষ্টভাৱে প্ৰকাশ কৰিব পাৰে। নিজকে জাহিৰ কৰাত এওঁলোকে কোনো ত্ৰুটি নাৰাখে। সিংহ ৰাশিৰ জাতকৰ সকলোসময়তে স্পটলাইটত থাকিব বিচাৰে। বিখ্যাত হ’বৰ বাবে এওঁলোকে নিজৰ সকলো এনাৰ্জি ব্যৱহাৰ কৰে।
ধনু ৰাশি
নতুনক জনাৰ আগ্ৰহ আৰু নজনা কাম কৰাৰ প্ৰৱল হেঁপাহ আছে এই ৰাশিৰ জাতকৰ। নতুন কথা শিকিবৰ বাবেই তেওঁলোকে ভ্ৰমণ কৰি ভালপায়। ভ্ৰমণৰ মাজেৰেই বিখ্যাত হ’ব খোজে ধনু ৰাশিৰ জাতক। এওঁলোক যতেই যায় তাৰপৰাই ভিডিঅ’, ছবি আদি শ্বেয়াৰ কৰি ভালপায়।
মিথুন ৰাশি
নিশাৰ ভিতৰতে বিখ্যাত হোৱাৰ বাসনা থাকে মিথুন ৰাশিৰ জাতক। এওঁলোকে চেলিব্ৰিটিৰ দৰে জীৱন কটাই ভালপায়। বিখ্যাত হ’বৰ বাবে এওঁলোকে পৰিশ্ৰম কৰে।
মেষ ৰাশি
মেষ ৰাশিৰ অধিপতি হৈছে মঙ্গল। ৰঙা গ্ৰহৰ প্রভাৱত মেষ ৰাশিৰ জাতক যথেষ্ট আত্মবিশ্বাসী হয়। এওঁলোকৰ মাজত প্ৰচুৰ পৰিমানে এনাৰ্জিও থাকে। বিখ্যাত হোৱাৰ অদম্য বাসনা মনতে পুঁহি ৰাখে এই ৰাশিৰ জাতকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
