অসম লাইভ ২৪ঃ পুৱা খালী পেটতেই চাহ, কফিজাতীয় পানীয় খোৱাৰ অভ্যাস আছে নেকি? পুৱা খালী পেটত চাহ, কফি খালে কেতিয়াবা বিপদ হ’ব পাৰে। সুস্থ শৰীৰৰ চাবি-কাঠি লুকাই আছে খাদ্যভাষতেই। দৈনন্দিন জীৱনত আমি গঢ়ি তোলা কিছু অভ্যাসেই আমাৰ শৰীৰক প্ৰভাৱিত কৰিব পাৰে। কেনেধৰণৰ পানীয়ই শৰীৰক প্ৰভাৱিত কৰে জানেনে?
কেফেইনজাতীয় পানীয়
পুৱাই উঠি ‘বেড টি’ বা ‘বেড কফি’ খোৱাৰ অভ্যাস শৰীৰৰ বাবে ক্ষতিকাৰক। বিশেষজ্ঞসকলে প্ৰকাশ কৰা অনুযায়ী চাহ-কফিত কেফেইন থাকে। খালী পেটত চাহ-কফি খালে পেটত এছিডিটিৰ পৰিমান বাঢ়ি যায়। যিয়ে আমাৰ খাদ্যনলীত ক্ষতি কৰে। এনেদৰে চাহ বা কফি খোৱাৰ অভ্যাসৰ ফলতেই এছিড ৰিফ্লেক্স বা বুকু জ্বলাপোৰা কৰা আদি সমস্যাই দেখা দিব পাৰে।
শৰ্কৰাযুক্ত পানীয়
টোপনিৰ পৰা সাৰ পায়েই শৰ্কৰা সমৃদ্ধ পানী খোৱাটো শৰীৰৰ বাবে বিপজ্জনক। বিশেষভাৱে ফলৰ ৰস খালী পেটত খালে শৰীৰত ফ্ৰুক্টজৰ পৰিমান বাঢ়ি যায়। খালী পেটত পুৱাতেই শৰ্কৰাযুক্ত পানীয় সেৱন কৰিলে লিভাৰত অত্যাধিক চাপ পৰে। তেজতো শৰ্কৰাৰ পৰিমান অত্যাধিক বাঢ়ি যায়। এনেদৰে শৰ্কৰাৰ পৰিমান বৃদ্ধিয়ে ডায়াবেটিচত আক্ৰান্ত হোৱাৰ আশংকা বৃদ্ধি কৰে।
নেমুৰ ৰস
ছাইট্ৰিক এছিড থকা ফলমূল, টেঙা আঙুৰ বা নেমুৰ ৰস পুৱাতেই খালে শৰীৰত বিভিন্ন সমস্যাই দেখা দিব পাৰে। বিশেষভাৱে ছাইট্ৰিক এছিডযুক্ত খাদ্যই গেছট্ৰিকৰ সমস্যাৰ সৃষ্টি কৰে। যিসকলৰ পূৰ্বৰে পৰাই গেছৰ সমস্যা আছে তেওঁলোকে পুৱাতেই এনেধৰণৰ পানীয় বা ফলমূল খোৱাৰ পৰা বিৰত থাকিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
