সুন্দৰ শতকৰ পাছতে দেশৰ নয়নৰ মণি হৈ পৰা তিলক বাৰ্মাই খেলৰ পূৰ্বে ৰাখিছিল আচৰিত ডিমাণ্ড
ভাৰত আৰু দক্ষিণ আফ্ৰিকাৰ মাজত চলি থকা চাৰিখন মেচৰ টি-২০ আন্তঃৰাষ্ট্ৰীয় শৃংখলাৰ তৃতীয়খন মেচ কালি চেঞ্চুৰিয়ানত অনুষ্ঠিত হয়। সেই খেলত ভাৰতে ১১ ৰানত জয়লাভ কৰে। যাৰ ফলত বৰ্তমানে ২-১ৰ ব্যৱধানত আগবাঢ়ি আছে ভৰাতীয় দল।
কালিৰ সেই খেলখনতে ভাৰতীয় দলৰ যুৱ বেটছমেন তিলক বাৰ্মাই সুন্দৰ ইনিংছ খেলে। ইতিহাস সৃষ্টি কৰি তিলকে মাত্ৰ ৫৬টা বলত ১০৭ ৰানৰ অপৰাজিত শতক অৰ্জন কৰে।
একেবাৰে যুৱ খেলুৱৈ তিলকৰ এই বিশাল ইনিংছৰ পূৰ্বে সকলো দৰ্শককে আচৰিত কৰে এক অন্য কামেৰে। সেয়া হৈছে কালিৰ খেল খনত তিলকে হঠাতে অধিনায়ক সূৰ্য্যকুমাৰ যাদৱৰ ঠাইত তৃতীয় স্থানত বেটিং কৰিবলৈ আহে।
যি স্থানত পূৰ্বে বিৰাট কোহলী আছিল, বৰ্তমানে বিৰাটে অৱসৰ লোৱাৰ পাছত সেই তৃতীয় স্থানত সূৰ্যকুমাৰেই খেলি আহিছে। কিন্তু হঠাতে কালি খেলপথাৰত সূৰ্যকুমাৰৰ ঠাইত তিলক নামে খেলপথাৰত।
এতিয়া তৃতীয় টি-২০ মেচত জয়লাভ কৰাৰ পিছত কিয় তিলকে হঠাতে তৃতীয়ত স্থানত নামে কেলত সেই ৰহস্য উদঙাই দিছে অধিনায়ক সূৰ্য্যই। মেচৰ অন্তত তেওঁ প্ৰথমে তিলকক প্ৰশংসা কৰি কয়, “তেওঁক এনেদৰে বেটিং কৰা দেখি মোৰ অনুভৱ হৈছে যে মোৰ কামটো সহজ হৈ পৰিছে।” মোৰ মতে আমি সঠিক দিশত আগবাঢ়িছো।
ইয়াৰ পিছত সূৰ্যকুমাৰে গোপন কথা প্ৰকাশ কৰি কয়, “গকেবৰহাত মেচ শেষ হোৱাৰ পিছত তিলকে মোৰ কোঠালৈ আহি কৈছিল যে তাক তিনি নম্বৰত বেটিং কৰাৰ সুযোগ দিব লাগে।” দলত ভাল প্ৰদৰ্শন কৰিব বিচাৰিছিল তিলকে।
সূৰ্যকুমাৰেও তিলকৰ দাবী মানি তিনি নম্বৰ স্থানত খেলিবলৈ পঠাইছিল, আৰু সেই সিদ্ধান্ত সম্পূৰ্ণ শুদ্ধ বুলি অবিহিত কৰে সংবাদ মাধ্যমৰ আগত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
