যদি আপুনি আপোনাৰ কষ্টাৰ্জিত অৰ্থৰ ওপৰত নিৰাপদ আৰু নিশ্চিত ৰিটাৰ্ণ বিচাৰে তেন্তে ইণ্ডিয়া পোষ্টৰ ৰেকাৰিং ডিপজিট স্কিম এক দুৰ্দান্ত বিকল্প হব পাৰে৷ শ্বেয়াৰ বজাৰৰ ওঠানমাৰ পৰা বিৰত থাকে৷ এই স্কিম সৰু বিনিয়োগকাৰী, মধ্যবিত্ত পৰিয়াল আৰু কৰ্মজীৱী পেছাদাৰসকলৰ মাজত সকলোতকৈ নিৰ্ভৰযোগ্য বুলি বিবেচিত হয়৷
২০২৬ চনৰ ফেব্ৰুৱাৰীৰ সৰ্বশেষ সুদৰ হাৰ অনুসৰি আপুনি যদি এই স্কিমত প্ৰতিমাহে ১১,১১১ টকা বিনিয়োগ কৰে তেন্তে ৫ বছৰৰ পাছত আপোনাৰ হাতলৈ আহিব মোটা পৰিমাণত অৰ্থ৷ পোষ্ট অফিচ আৰ ডিত বিনিয়োগৰ নিৰ্দিষ্ট সুবিধা আৰু ম্যাদপূৰ্তিৰ পাছত আপুনি যি মুঠ পৰিমাণৰ অৰ্থ পাব এই প্ৰতিবেদনত সেয়া বিস্তাৰিতভাৱে আলোকপাত কৰিম৷
পোষ্ট অফিচ আৰ ডি স্কিম সাধাৰণতে ৫ বছৰ বা ৬০ মাহৰ হয়৷ ভাৰত চৰকাৰে ত্ৰিমাসিকভাৱে তেওঁলোকৰ সুদৰ হাৰ পৰ্যালোচনা কৰে আৰু বৰ্তমান জানুৱাৰী-মাৰ্চ ২০২৬ ত্ৰিমাহিকৰ বাবে সুদৰ হাৰ বাৰ্ষিক ৬.৭ শতাংশ নিৰ্ধাৰণ কৰা হৈছে৷
এই স্কিমৰ সকলোতকৈ ডাঙৰ শক্তি হৈছে ইয়াৰ চক্ৰবৃদ্ধি পদ্ধতি৷ কাৰণ সুদ ত্ৰিমাহিকভাৱে গণনা কৰা হয়৷ যিয়ে আপোনাৰ অৰ্থ সৰল সুদতকৈ দ্ৰুত বৃদ্ধি কৰি দিয়ে৷ মনত ৰখা গুৰুত্বপূৰ্ণ যে বেংকৰ সলনি পোষ্ট অফিচৰ এই আৰ ডি স্কিম প্ৰবীণ নাগৰিকসকলৰ বাবে গুৰুত্বপূৰ্ণ৷ কাৰণ তেওঁলোকক এই স্কিমে অধিক গুৰুত্ব দিয়ে, সুদৰ হাৰো বেছিকৈ দিয়ে৷
মাহিলী ১১,১১১ টকা বিনিয়োগৰ ওপৰত মুঠ ৰিটাৰ্ণ কিমান?
যেতিয়া আপুনি প্ৰতিমাহে এক নিৰ্দিষ্ট পৰিমাণে জমা কৰে তেতিয়া ৫ বছৰৰ শেষত প্ৰাপ্ত তহবিল আপোনাৰ আৰ্থিক পৰিকল্পনাৰ বাবে এক শক্তিশালী ভিত্তি প্ৰদান কৰে৷ আপুনি যদি আজিৰ পৰাই প্ৰতিমাহে ১১,১১১ টকা জমা কৰে তেন্তে আপুনি ম্যাদপূৰ্তিত পাবলগীয়া মূলধন হ’ব ৬,৬৬,৬৬০ টকা৷
৬.৭ শতাংশ চক্ৰবৃদ্ধি সুদৰ হাৰত আপুনি ৫ বছৰত প্ৰায় ১২৬, ২৮৫ সুদ পাব৷ ম্যাদপূৰ্তিত আপোনাৰ হাতত আহিব ৭, ৯২, ৯৪৫ টকাৰ এক উল্লেখযোগ্য তহবিল থাকিব৷ এই পৰিমাণৰ অৰ্থই আপোনাক নিশ্চয় ধনী কৰি তুলিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
