অলিম্পিক সোণ বঞ্চিত বিনেশ ফোগাটে বিধানসভাৰ আসন লাভ কৰিব পাৰিব নে, কি কয় ফলাফলে
হাৰিয়ানাৰ বিধানসভা নিৰ্বাচনৰ আজিৰ ভোটগণনাত পলে পলে সলনি হৈছে দৃশ্যপট। কোনো মুহুৰ্তত যদি কোনো এগৰাকী প্ৰাৰ্থী আগবাঢ়ে, অন্য মুহুৰ্তত বিৰুধী পাৰ্থী এগৰাকী আগবাঢ়ে। ভোটগণনা আৰম্ভ হোৱাৰ পাছত পুৱা ১১ মান বজালৈকে হাৰিয়ানাত কংগ্ৰেছ আগবাঢ়ি আছিল কিন্তু হঠাতে সলনি হৈ পৰে সকলো আৰু বহু কেইখন আসনত আগবাঢ়ি যায় বিজেপি।
ৰাজ্যখনত এতিয়া মুঠ ৯০ খন আসনৰ ভিতৰত ৪৮ আসনত বিজেপিৰ আগ্ৰগতি, আনহাতে কংগ্ৰেছে ৩৬ খন আসন লাভ কৰিছে এতিয়ালৈকে। তাৰে মাজতে কংগ্ৰেছৰ নতুন সদস্য বিনেশ ফোগাটো আছে এইবাৰৰ নিৰ্বাচনত।
কংগ্ৰেছৰ প্ৰাৰ্থী হিচাপে জুলানা আসনত প্ৰতিদ্বন্দিতা আগবঢ়াইছিল বিনেশে। বিনেশৰ প্ৰতিদ্বন্দি বিজেপিৰ কেপ্টেইন যোগেশ বৈৰাগী। প্ৰতি পলে পলে সলনি হৈ আছে দুয়োৰে ফলাফল। অৱশ্যে বৰ্তমানে জুলানা আসনত আগবাঢ়ি আছে ফোগাট।
চতুৰ্থ ৰাউণ্ডলৈকে বিজেপি ৩৬৪১ ভোটত আগবাঢ়ি আছিল। কিন্তু এতিয়া দশম ৰাউণ্ডৰ ভোট গণনাৰ অন্তত ৪৪৪৯টা ভোটত আগবাঢ়ি আহিছে বিনেশ। জুলানা সমষ্টি হাৰিয়ানাৰ এক অন্যতন সমষ্টি। দুয়ো দলৰ বাবে এই আসন গুৰুত্বপূৰ্ণ।
এই জুলানা আসনত দুয়ো দলৰ প্ৰাৰ্থীয়ে দিছে যুঁজ। এতিয়া কেৱল অপেক্ষা অন্তিম মুহুৰ্তলৈ। কোনে মাৰিব শেষ হাঁহি। ৰাজ্যখনত বিজেপি আগবাঢ়ি আছে, জুলানা আসনত কংগ্ৰেছ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
