মেঘালয় হানিমুন হত্যাকাণ্ডৰ মূল মাষ্টাৰ মাইণ্ডেই ৰাজা ৰঘুবংশীৰ পত্নী সোনম ৰঘুবংশী৷ সোনমৰ বিৰুদ্ধে অভিযোগ যে বিয়াৰ মাত্ৰ তিনিদিন পাছতেই তেওঁৰ প্ৰেমিকৰ সৈতে হাত মিলাই ৰাজাক হত্যাৰ পৰিকল্পনা কৰিছিল সোনমে৷ ৰাজা আৰু সোনমৰ ১১ মেত ইন্দোৰত বিয়া হৈছিল৷ ৯দিনৰ পাছত ২০ মেত মধুচন্দ্ৰিমাৰ বাবে শ্বিলঙলৈ আহে দুয়ো৷ ২ জুনত উদ্ধাৰ হয় ৰাজাৰ মৃতদেহ৷ তাৰপিছতেই ঘটনাই লৈছে নতুন মুৰ৷ পত্নীয়েই ছুপাৰি কিলাৰ লগাই হত্যা কৰি পেলাই থৈ গ’ল ৰাজাক৷
ইণ্ডিয়া টুডেৰ এক প্ৰতিবেদন অনুসৰি সোনমে তেঁওৰ প্ৰেমিক ৰাজ কুশৱাহাক কেইবাটাও মেছেজো কৰিছিল৷ ৰাজাৰ সৈতে ঘনিষ্ঠ হোৱাত অস্বস্তি বোধ কৰিছিল বুলি সোনমে ৰাজলৈ মেছেজ কৰিছিল৷ কিন্তু সোনমৰ পৰিয়ালৰ দাবী যে ৰাজাৰ সৈতে সুখতেই আছিল সোনম৷
ইন্দোৰৰ আৰক্ষী বিষয়া ৰাজেশ দণ্ডতীয়াই জনাইছে যে ৰাজ আৰু সোনমে ১৮ মেত ৰাজাক হত্যাক পৰিকল্পনা কৰিছিল৷ প্ৰেমিক ৰাজেই বিশাল চৌহান, আনন্দ কুমাৰ আৰু আকাশ ৰাজপুতক ভাড়া কৰি হত্যাৰ পৰিকল্পনা বাস্তবায়িত কৰে সোনমে৷ ১৯ মেত ৰাজাক লৈ সোনম মেঘালয়লৈ আহে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
