অসম লাইভ ২৪ঃ আজিৰে পৰা দিল্লীত চৰ্তসাপেক্ষ আনলক প্ৰক্ৰিয়া আৰম্ভ। সম্পূৰ্ণ লকডাউনৰ প্ৰায় ৪২ দিনৰ পাছত দিল্লী প্ৰশাসনে আৰম্ভ কৰিছে আনলক প্ৰক্ৰিয়া। দিল্লীত ক্ৰমান্বয়ে হ্ৰাস পাবলৈ ধৰিছে কোভিড আক্ৰান্তৰ সংখ্যা। পূৰ্বৰ তুলনাত যথেষ্ট উন্নত হৈছে দিল্লীৰ কোভিড পৰিস্থিতি। কিন্তু বৰ্তমানো জাৰি আছে কোভিড সন্দৰ্ভত কিছু নীতি-নিময়। কেৱল জৰুৰীসেৱাৰ বাদে মেট্ৰ’, মল, সাপ্তাহিক বজাৰ আদি সকলোৰে ক্ষেত্ৰত ৭ জুনৰ পুৱা ৫ বজা পৰ্যন্ত জাৰি থাকিব সান্ধ্য আইন। মুখ্যমন্ত্ৰী অৰবিন্দ কেজৰিৱালে সদৰী কৰে এই কথা। আজিৰে পৰা আৰম্ভ হোৱা আনলক প্ৰক্ৰিয়াৰ পৰিপ্ৰেক্ষিতত নিৰ্মাণ আৰু উৎপাদন ক্ষেত্ৰৰ সৈতে জড়িত লোকসকলক অনুমতি প্ৰদান কৰিছে প্ৰশাসনে। স্বীকৃতিপ্ৰাপ্ত উদ্যোগিক ক্ষেত্ৰৰ নিৰ্মাণ কাৰ্যৰ সৈতে জড়িত শ্ৰমিক তথা কৰ্মচাৰীয়ে ই-পাছ লোৱাটো বাধ্যতামূলক বুলি উল্লেখ কৰে দিল্লী প্ৰশাসনে। অৱশ্যে অত্যাৱশ্যকীয় কাম, অফিচ, কাৰখানা আদিৰ ক্ষেত্ৰত ধীৰে ধীৰে আৰম্ভ হ’ব আনলক প্ৰক্ৰিয়া।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ