জীৱনটো এতিয়া অনলাইন নিৰ্ভৰশীল। দেশৰ অধিকাংশ লোকে এতিয়া ইউ পি আই ব্যৱহাৰ কৰে। টকা পঠোৱা, ধন লাভ কৰা, ইউটিলিটি বিল পৰিশোধ কৰা আদি লেনদেন ইউ পি আইৰ জৰিয়তে কৰা হয়। বৰ্তমান UPI দেশত অতি জনপ্ৰিয়। প্ৰতিদিনে ইউপিআইৰ জৰিয়তে অভিলেখ পৰিমাণৰ লেনদেন কৰা হৈছে। কিন্তু ইউ পি আইৰ জৰিয়তে কিমান টকা পঠিয়াব পাৰি সেই কথা বহুতে নাজানে। দিনটোত কিমান টকা পঠিয়াব পাৰি জানেনে?
ভাৰতীয় ৰাষ্ট্ৰীয় পেমেণ্ট কৰ্পৰেশ্যনৰ নিয়ম অনুসৰি এদিনতে ইউ পি আইত এক লাখ টকা পৰ্যন্ত লেনদেন কৰিব পৰা যাব। সেই সীমা অতিক্ৰম কৰিলে আৰু কোনো স্বাভাৱিক লেনদেন কৰিব নোৱাৰিব।
কিন্তু কিছুমান বিশেষ ক্ষেত্ৰত ইউপিআইৰ জৰিয়তে ১ লাখ টকাৰ অধিক ধন প্ৰেৰণ কৰিব পৰা যায়। আৰ বি আই আৰু এন পি চি আইৰ নিয়ম অনুসৰি ইয়াৰ অনুমতি। কিন্তু সাধাৰণ লেনদেনৰ ক্ষেত্ৰত নহয়, কৰ পৰিশোধ কৰা, আই পি অ’ত ইউনিট ক্ৰয় কৰা, চিকিৎসালয়ৰ বিল পৰিশোধ কৰা আৰু শিক্ষানুষ্ঠানক ধন দিয়াৰ দৰে ক্ষেত্ৰত ১ লাখ টকাৰ অধিক ধন প্ৰেৰণ কৰিব পৰা যায়।
ইউপিআইয়ে আয়কৰ পৰিশোধৰ বাবে ৫ লাখ টকা পৰ্যন্ত লেনদেনৰ অনুমতি দিয়ে। আই পি অ’ৰ আবেদন আৰু আৰ বি আইৰ খুচুৰা বিক্ৰেতা প্ৰত্যক্ষ আঁচনিৰ ধন পৰিশোধৰ ক্ষেত্ৰতো একে নিয়ম প্ৰযোজ্য। একেদৰে চিকিৎসালয় আৰু শিক্ষানুষ্ঠানলৈ দিয়া বিলৰ ক্ষেত্ৰতো ৫ লাখ টকাৰ সীমা প্ৰযোজ্য।
ইউপিআই লাইট-
UPI Lite নামৰ এটা বৈশিষ্ট্য আছে। ইয়াৰ জৰিয়তে এদিনত সৰ্বাধিক ৫ হাজাৰ টকা দিব পাৰিব। ইণ্টাৰনেট নাথাকিলেও ইউপিআই পেমেণ্ট কৰিব পাৰিব। আইভিআৰ নম্বৰ, ফিচাৰ ফোন এপ, মিছড কল ভিত্তিক পদ্ধতি, প্ৰক্সিমিটি চাউণ্ড ভিত্তিক পেমেণ্ট আদি পদ্ধতিৰ জৰিয়তে ইউপিআই পেমেণ্ট সহজেই কৰিব পাৰি।
যদি কোনো ব্যক্তিয়ে ইউপিআইৰ নিৰ্দিষ্ট সীমাতকৈ অধিক লেনদেন কৰিব বিচাৰে, তেন্তে এনইএফটি আৰু আৰটিজিএছৰ দৰে পদ্ধতি ব্যৱহাৰ কৰিব লাগে। এই পদ্ধতিত যিকোনো পৰিমাণৰ ধন ডিজিটেলভাৱে প্ৰেৰণ কৰিব পৰা যায়। সৰু লেনদেনৰ বাবে ইউপিআই উপযোগী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
