ইৰাণৰ সৈতে হোৱা চুক্তিৰ অন্ত পৰাৰ কথা ঘোষণা কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। আংকাৰাত সাংবাদিকৰ সৈতে হোৱা এক সাক্ষাৎকাৰত ট্ৰাম্পে কয় যে, ইৰাণৰ সৈতে এতিয়া আৰু কোনো চুক্তি নহ’ব। ইৰাণে কুৱেইট আৰু বাহৰেইনত থকা আমেৰিকাৰ ঘাটিসমূহত আক্ৰমণ কৰাৰ কিছু সময়ৰ পিছতে ট্ৰাম্পে এই ঘোষণা কৰে।
ৰাষ্ট্ৰপতি ট্ৰাম্পে পুনৰ কয় যে ইৰাণে তেওঁক মিছা কথা কৈছিল। গতিকে তেহৰাণৰ সৈতে অধিক আলোচনা এতিয়া অসম্ভৱ হৈ পৰিছে। তেওঁ কয় যে, আমি তেহৰাণক পৰমাণু মুক্ত কৰিম। অতি সোনকালে এই পৰিকল্পনা কাৰ্যকৰী কৰা হ’ব।”
ইফালে ইৰাণে আমেৰিকাক প্ৰত্যুত্তৰ দি কয় যে, “আমি যুদ্ধৰ বাবে সাজু। আমেৰিকাই হৰমুজত আমাক বিশ্বাসঘাতকতা কৰিছিল। গতিকে তেওঁলোকৰ সৈতে আলোচনাক বিশ্বাস কৰিব নোৱাৰি।”
চুক্তি সমাপ্ত কৰাৰ সন্দৰ্ভত কি ক’লে ট্ৰাম্পে?
ট্ৰাম্পে কয় যে, “ইৰাণীসকলে কাকো ৰেহাই নিদিয়ে। মোকো টাৰ্গেট কৰিছে। মোকো এৰিব খোজা নাই। বৰ লেতেৰা মানুহ। মই তেওঁলোকক কৈছো যে আপোনালোকে আক্ৰমণ কৰিলে আমি আপোনাক ৰেহাই নিদিওঁ।”
ট্ৰাম্পে নাটোৰ সদস্যসকলকো লক্ষ্য কৰি কয় যে, “নাটোৰ সদস্যসকলে মোক সন্ত্ৰাসবাদীৰ বিৰুদ্ধে যুঁজ দিয়াত সহায় কৰা নাই। মই নাটোৰ ওপৰত বৰ সুখী নহয়।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
