অসম লাইভ২৪ঃ আঘোণ মাহৰ কৃষ্ণপক্ষৰ একাদশী তিথিক উৎপন্না একাদশী বুলি কোৱা হয়। চাৰি মাহ যোগ নিদ্ৰাত থকাৰ পাছত শ্ৰী বিষ্ণু জাগ্ৰত হ’লে এয়াই হ’ব প্ৰথম একাদশী। আগন্তুক ৮ ডিচেম্বৰ শুকুৰবাৰে উৎপন্না একাদশী পালিত হ’ব। চতুৰ্থমাহৰ পাছত দেৱ উত্থানী একাদশীত শ্ৰীবিষ্ণুৰ টোপনি ভাঙিব। দেৱ উত্থানী একাদশীতেই চাৰি মাহৰ বিশ্ৰামৰ পাছত বিশ্ব ব্ৰহ্মাণ্ড পৰিচালনাৰ দায়িত্ব আকৌ নিজৰ কান্ধত তুলি ল’ব তেওঁ। ইয়াৰ পাছৰ একাদশী তিথি হৈছে উৎপন্না একাদশী। এই একাদশী তিথি শ্ৰী বিষ্ণুৰ উদ্দেশ্যে নিবেদিত। শুকুৰবাৰ হৈছে বিষ্ণুপ্ৰিয়া লক্ষ্মীৰ প্ৰিয় দিন। এই বছৰ উৎপন্না একাদশীত শুকুৰবাৰে বিশেষ কেইটামান শুভ যোগ সৃষ্টি হৈছে। জ্যোতিষবিদে জনোৱা অনুসৰি এই দিনটোত কেইটামান উপায় অৱলম্বন কৰিলে লক্ষ্মী আৰু নাৰায়ণৰ মিলিত আশীৰ্বাদ লাভ কৰা সম্ভৱ। এই উৎপন্না একাদশীত কি কৰিলে ভাল ফল পাব?
নাৰায়ণৰ অভিষেক
উৎপন্না একাদশীত পঞ্চামৃত দি শ্ৰী বিষ্ণুৰ অভিষেক কৰক। ইয়াৰ পাছতেই গাখীৰেৰে তৈয়াৰী পায়সৰ মাজত জাফৰাণ আৰু তুলসী পাত দি নিবেদন কৰক। এই কাম কৰিলে আপোনাৰ অৰ্থলাভৰ পথ সুগম হ’ব। আপোনাৰ উপাৰ্জন বৃদ্ধি পাব। নিজৰ কামৰ বাবে কাৰ্যালয়ত প্ৰশংসা লাভ কৰিব।
তুলসী গছৰ উপায়
উৎপন্না একাদশীৰ পুৱা আৰু সন্ধিয়াত তুলসী গছৰ তলত এটা ঘীৰ প্ৰদীপ জ্বলাই দিব। ইয়াৰ সৈতে লক্ষ্মী চালিছা পাঠ কৰক। এই দিনটোত শ্ৰী বিষ্ণুক ১১ টা তুলসী পাত নিবেদন কৰক। ইয়াৰোপৰি ‘ওম নমহ ভগৱতে বাসুদেৱায়’ মন্ত্ৰ জপ কৰক। এই কাম কৰিলে লক্ষ্মী আৰু নাৰায়ণৰ আশীৰ্বাদত আপোনাৰ দাৰিদ্ৰতা দূৰ হ’ব।
৯মুখী প্ৰদীপ জ্বলাওক
উৎপন্না একাদশীত শ্ৰী বিষ্ণুৰ ভৰিৰ ওচৰত ৯মুখীয়া ঘীৰ প্ৰদীপ জ্বলোৱাটো অত্যন্ত শুভ। এই কাম কৰিলে আপোনাৰ কেৰিয়াৰৰ পথত অহা সকলো বাধা দূৰ হ’ব। মা লক্ষ্মীৰ আশীৰ্বাদত আপুনি সকলো কামতেই সফলতা পাব। কঁপাহৰ সলনি এৱা সুঁতাৰে প্ৰদীপ জ্বলোৱাৰ ব্যৱস্থা কৰিলে ভাল ফল পাব।
দক্ষিণাবৰ্তী শংখ
উৎপন্না একাদশীত এটা দক্ষিণাবৰ্তী শংখ লৈ ঘৰৰ পূজা কৰা স্থানত প্ৰতিষ্ঠা কৰক। ইয়াৰ ফলত মা লক্ষ্মীয়ে আপোনাৰ ঘৰত অৱস্থান কৰিব। সমগ্ৰ পৰিয়ালৰ ওপৰতেই তেওঁৰ আশীৰ্বাদ বৰ্ষিত হ’ব। তামৰ পাত্ৰৰ ওপৰত এই দক্ষিণাবৰ্তী শংখ প্ৰতিষ্ঠা কৰক। গাখীৰ আৰু পানীয়ে ধুই এই শংখ পূজাঘৰত থব। ইয়াৰফলত লক্ষ্মী আপোনাৰ ঘৰৰ প্ৰতি আকৃষ্ট হ’ব।
দানকৰ্ম
উৎপন্না একাদশীত দৰিদ্ৰক দান কৰিলে বিশেষ শুভ ফল লাভ কৰিব। এই দিনটোত অভাৱী মানুহক পোছাক, কম্বল, ফল, গুড় আৰু বাদাম দান কৰক। ইয়াৰ ফলত আপোনাৰ পূণ্যলাভ হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
