অসম লাইভ ২৪ঃ প্ৰেমৰ মাহ হিচাপে চিহ্নিত ফেব্ৰুৱাৰী। প্ৰেমিক-প্ৰেমিকাসকলে ফেব্ৰুৱাৰী মাহটোলৈ অধীৰ আগ্ৰহেৰে বাট চাই ৰয়। কাৰণ ফেব্ৰুৱাৰী মাহটোতেই ‘ভেলেণ্টাইনছ ৱিক’। ১৪ ফেব্ৰুৱাৰীক ‘ভেলেণ্টাইনছ ডে’ হিচাপে উদযাপন কৰে প্ৰেমিক-প্ৰেমিকাসকলে। ‘ভেলেণ্টাইনছ ৱিক’ত হৃদয়ত সাঁচি ৰখা মৰম-ভালপোৱাৰ অভিব্যক্তি ঘটে। আদান-প্ৰদান হয় চাৱনিৰ। ইজনে-সিজনক যাচে চেনেহ-ভালপোৱা-মৰম। ‘ভেলেণ্টাইনছ ৱিক’ৰ অনুভৱেই সুকীয়া। ‘ভেলেণ্টাইনছ ৱিক’ আৰম্ভ হয় ৭ ফেব্ৰুৱাৰীৰ পৰা।
ৰোজ ডে, প্ৰ’প’জ ডে, চক’লেট ডে, টেডী ডে, প্ৰমিজ ডে, হাগ ডে আৰু কিছ ডেৰ পাছতেই ভেলেণ্টাইনছ ডে।
ৰোজ ডেঃ ৭ ফেব্ৰুৱাৰীত ৰোজ ডে। ৰোজ ডেৰ দিনটোত প্ৰেমিক-প্ৰেমিকাই মৰমেৰে ইজনে সিজনক যাচে এপাহি ৰঙা গোলাপ।
প্ৰ’প’জ ডেঃ ৮ ফেব্ৰুৱাৰীত প্ৰ’প’জ ডে। এই দিনটো প্ৰেমিকযুগলৰ এটা বেলেগ দিন। ধকধককৈ কঁপি উঠা এখন হৃদয়, হাতত এটা গোলাপ আৰু মুখত ৩টা শব্দ- I LOVE YOU.
চক’লেট ডেঃ ৯ ফেব্ৰুৱাৰীত চক’লেট ডে। এই দিনটোত প্ৰেমিক-প্ৰেমিকাই ইজনে-সিজনেক চক’লেট যাচে- dairy milk, hershey’s cocoa, russel stover আৰু কত যে কি!
টেডী ডেঃ ১০ ফেব্ৰুৱাৰীত টেডী ডে। শৈশৱৰ স্মৃতি ৰোমন্থন কৰায় ১০ ফেব্ৰুৱাৰীয়ে। প্ৰেমিকে প্ৰেমিকাক যাচে টেডীবিয়েৰ অৰ্থাৎ পুতলা। কাৰণ পাছততো নিজেই হ’ব লাগিব পুতলা।
প্ৰমিজ ডেঃ ১১ ফেব্ৰুৱাৰীত প্ৰমিজ ডে। এই বিশেষ দিনটোত প্ৰেমিক-প্ৰেমিকাই ইজনে সিজনক দিয়ে পৰ্বতসম প্ৰতিশ্ৰুতি- যেনে ধৰক আকাশৰ জোন-বেলিটো ছিঙি অনা, আজীৱন কোনো যুৱতীলৈ কেৰাহিকৈও চকু নিদিয়া ইত্যাদি ইত্যাদি।
হাগ ডেঃ ১২ ফেব্ৰুৱাৰীত হাগ ডে। ইমানখিনি হ’ল যেতিয়া এই দিনটোত প্ৰেমিক-প্ৰেমিকাই হৃদয়ত জ্বলি থকা দকদকীয়া জুইকুৰা কিছু হ’লেও প্ৰশমিত কৰে। ইজনে-সিজনক জোৰকৈ সাবট মাৰি ধৰে।
কিছ ডেঃ ১৩ ফেব্ৰুৱাৰীত একেবাৰে আল্টিমেটটো। মানে কিছ ডে। ইজনে সিজনক একোটা তপত চুমা যাচে। এই চুমাটোৱে প্ৰেমিক-প্ৰেমিকাক একেবাৰে ওচৰ চপাই আনে।
ভেলেণ্টাইন ডেঃ ১৪ ফেব্ৰুৱাৰীত ভেলেণ্টাইনছ ডে। ‘ভেলেণ্টাইনছ ৱিক’ৰ শেষৰটো দিনলৈ প্ৰেমিকযুগল অধীৰ আগ্ৰেহেৰ বাট চাই থাকে। হোটেল, ৰেস্তোৰাঁ, পাৰ্ক, মহাবিদ্যালয়-বিশ্ববিদ্যালয়ৰ আছুতীয়া ঠাই… এইবোৰেই সেইদিনাৰ ঠিকনা। আৰু এটা প্ৰশ্ন ’Ll you BE MY VALENTINE?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
