জীৱনৰ সমস্যা দূৰ কৰিবলৈ বাস্তুশাস্ত্ৰই বহু সমাধান দিয়ে। বাস্তুৱে আমাক অন্তৰ্দৃষ্টিও দিয়ে৷ কোনবোৰ কাম আমাৰ বাবে নেতিবাচক প্ৰমাণিত হ’ব পাৰে সেয়া আগতীয়াকৈ সোঁৱৰাই দিয়ে৷ কি কি সামগ্ৰী আপোনাৰ ঘৰত ৰাখিলে দৰিদ্ৰতা আৰু দুৰ্ভাগ্যই লগ নেৰিব?
আঙঠি আৰু ৰত্ন ঘৰত নাৰাখিব
অব্যৱহৃত আঙঠি কেতিয়াও ঘৰত ৰাখিব নালাগে। তদুপৰি অব্যৱহৃত ৰত্নও ঘৰত ৰাখিব নালাগে। এই অব্যৱহৃত সামগ্ৰী ঘৰত ৰাখিলে নেতিবাচকতা আহিব পাৰে। লগতে মনত ৰাখিব যে ভুলতো আনৰ ৰত্ন বা আঙঠি কেতিয়াও ব্যৱহাৰ নকৰিব৷
ঘৰত মকৰাজাল
আপুনি হয়তো বহুতৰে ঘৰত মকৰাজাল লক্ষ্য কৰিছে। বাস্তুৰ মতে এয়া অতি অশুভ লক্ষণ। ঘৰত মকৰাজাল থকাটোৱে দুৰ্ভাগ্য আৰু দৰিদ্ৰতা কঢ়িয়াই আনে। গতিকে মকৰা জাল কেতিয়াও ঘৰত হ’বলৈ নিদিব৷
ঘৰত কাঁইটীয়া গছ
ঘৰত বিশেষকৈ ঘৰৰ ভিতৰত কেতিয়াও কাঁইটীয়া গছ ৰাখিব নালাগে। কাঁইটীয়া উদ্ভিদে আপোনাৰ মানসিক অৱস্থাত নেতিবাচক প্ৰভাৱ পেলাব পাৰে আৰু আপোনাৰ জীৱনৰ বিভিন্ন ক্ষেত্ৰত সমস্যাৰ সৃষ্টি কৰিব পাৰে। ইয়াৰ ফলত আৰ্থিক লোকচানও হ’ব পাৰে।
দেৱ-দেৱীৰ ভঙা মূৰ্তি
বাস্তুমতে দেৱ-দেৱীৰ ভঙা মূৰ্তিও ঘৰত ৰখাৰ পৰা বিৰত থাকিব লাগে। নদী বা পুখুৰীত বিসৰ্জন দিব লাগে। আপোনাৰ ঘৰত ভঙা দেৱ-দেৱীৰ মূৰ্তিয়ে দুৰ্ভাগ্য আনিব পাৰে।
বন্ধ ঘড়ী নাৰাখিব
বাস্তুমতে তেনে কৰাটো ভুল বুলি গণ্য কৰা হয়। বন্ধ ঘড়ীয়ে আপোনাৰ জীৱনত সফলতাত বাধাৰ সৃষ্টি কৰিব পাৰে আৰু আৰ্থিক সমস্যাৰ সৃষ্টি কৰিব পাৰে। গতিকে এটা বেটেৰী পুনৰ স্থাপন কৰি বা ঘৰৰ পৰা সেই বন্ধ ঘড়ী আঁতৰাই দিয়াটোৱেই উত্তম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
