জ্যোতিষশাস্ত্ৰত আহিছে বিশেষ সংযোগ

২০২৬ চনৰ ৩ অক্টোবৰত শুক্ৰ গ্ৰহই নিজৰ ৰাশি তুলাত ৰেট্ৰ’গ্ৰেড বা পশ্চাদগামী হ’ব। জ্যোতিষশাস্ত্ৰ অনুসৰি, শুক্ৰ হৈছে প্ৰেম, সম্পৰ্ক, ধন-সম্পত্তি, সৌন্দৰ্য, শিল্প আৰু বিলাসিতাৰ কাৰক গ্ৰহ। সেয়ে শুক্ৰৰ এই পৰিৱৰ্তনৰ প্ৰভাৱ এই বিষয়সমূহৰ ওপৰত পৰিব পাৰে। এই সময়ছোৱাত বহুতে নিজৰ পুৰণি সিদ্ধান্ত, সম্পৰ্ক, আৰ্থিক পৰিকল্পনা আৰু কাম-কাজ পুনৰ বিবেচনা কৰাৰ সুযোগ পাব পাৰে। জ্যোতিষশাস্ত্ৰ অনুসৰি মিথুন, সিংহ, তুলা, ধনু আৰু মকৰ ৰাশিৰ জাতক-জাতিকাই এই সময়ছোৱাত তুলনামূলকভাৱে অনুকূল ফল লাভ কৰাৰ সম্ভাৱনা আছে।

মিথুন ৰাশি

মিথুন ৰাশিৰ পঞ্চম ঘৰত শুক্ৰ ৰেট্ৰ’গ্ৰেড হ’ব। এই ঘৰটো শিক্ষা, বুদ্ধিমত্তা, সন্তান, প্ৰেম আৰু সৃষ্টিশীলতাৰ সৈতে জড়িত। এই সময়ছোৱাত পঢ়া-শুনা, প্ৰেমৰ সম্পৰ্ক আৰু আৰ্থিক পৰিকল্পনাৰ ক্ষেত্ৰত কিছু গুৰুত্বপূৰ্ণ পৰিৱৰ্তন আহিব পাৰে। পুৰণি কোনো ধাৰণা বা বহুদিন ধৰি বন্ধ হৈ থকা প্ৰকল্প পুনৰ আৰম্ভ কৰাৰ সুযোগ লাভ কৰিব পাৰে। ছাত্ৰ-ছাত্ৰীসকলে আগতে কঠিন বুলি ভবা বিষয় পুনৰ পঢ়িলে উপকৃত হ’ব পাৰে। সংবাদ মাধ্যম, লেখা, ডিজাইন বা মনোৰঞ্জন জগতৰ সৈতে জড়িত লোকসকলেও পুৰণি যোগাযোগৰ জৰিয়তে নতুন সুযোগ লাভ কৰাৰ সম্ভাৱনা আছে।
প্ৰতিকাৰ: শুকুৰবাৰে লক্ষ্মী দেৱীক পূজা কৰি বগা ফুল আগবঢ়াব পাৰে।

সিংহ ৰাশি

সিংহ ৰাশিৰ তৃতীয় ঘৰত শুক্ৰ ৰেট্ৰ’গ্ৰেড হ’ব। এই ঘৰটো সাহস, যোগাযোগ, সৰু ভাই-ভনী, দক্ষতা আৰু প্ৰচেষ্টাৰ সৈতে জড়িত। এই সময়ছোৱাত আপোনাৰ যোগাযোগ দক্ষতা আৰু সামাজিক সম্পৰ্ক উন্নত হ’ব পাৰে। পুৰণি কোনো ব্যৱসায়িক যোগাযোগ পুনৰ আপোনাৰ সৈতে যোগ হব পাৰে আৰু তাৰ জৰিয়তে নতুন সুযোগো আহিব পাৰে। ব্যৱসায় বা বিক্ৰীৰ সৈতে জড়িত লোকসকলে লাভজনক সুযোগ লাভ কৰিব পাৰে। বহুদিন ধৰি স্থবিৰ হৈ থকা কামো পুনৰ আৰম্ভ হোৱাৰ সম্ভাৱনা আছে। লগতে চুক্তি বা ব্যৱসায়িক আলোচনাত আপোনাৰ যোগাযোগ দক্ষতা যথেষ্ট সহায়ক হ’ব পাৰে।
প্ৰতিকাৰ: শুকুৰবাৰে বগা মিঠাই দান কৰিব পাৰে।

তুলা ৰাশি

তুলা ৰাশিৰ বাবে এই পৰিৱৰ্তন বিশেষ গুৰুত্বপূৰ্ণ। কাৰণ শুক্ৰ হৈছে তুলা ৰাশিৰ অধিপতি আৰু এইবাৰ শুক্ৰ নিজৰ ৰাশি তুলাতে ৰেট্ৰ’গ্ৰেড হ’ব। এই সময়ছোৱাত আপুনি নিজৰ কেৰিয়াৰ, জীৱনশৈলী, চেহেৰা আৰু ব্যক্তিগত সম্পৰ্কক নতুনকৈ মূল্যায়ন কৰিব পাৰে। জীৱনত প্ৰকৃততে কি বিচাৰে, সেই বিষয়ে গভীৰভাৱে চিন্তা কৰাৰ সুযোগ পাব। কেৰিয়াৰৰ ক্ষেত্ৰত পুৰণি কোনো সুযোগ পুনৰ আপোনাৰ সন্মুখলৈ আহিব পাৰে। আগতে লোৱা কোনো সিদ্ধান্ত পুনৰ বিবেচনা কৰি ভৱিষ্যতৰ বাবে অধিক ভাল সিদ্ধান্ত লোৱাৰ সুযোগো থাকিব।
প্ৰতিকাৰ: শুকুৰবাৰে লক্ষ্মী দেৱীক পূজা কৰাৰ লগতে ঘৰৰ চৌপাশ পৰিষ্কাৰ কৰি ৰাখিব পাৰে।

ধনু ৰাশি

ধনু ৰাশিৰ একাদশ ঘৰত শুক্ৰ ৰেট্ৰ’গ্ৰেড হ’ব। এই ঘৰটো আয়, লাভ, বন্ধু-বান্ধৱী আৰু সামাজিক সম্পৰ্কৰ সৈতে জড়িত। এই সময়ছোৱাত উপাৰ্জন আৰু লাভৰ ক্ষেত্ৰত নতুন সুযোগ আহিব পাৰে। পুৰণি বন্ধু বা চিনাকি মানুহ পুনৰ জীৱনলৈ ঘূৰি আহিব পাৰে। বহুদিন ধৰি বাকী থকা কোনো পেমেণ্ট লাভ কৰাৰ সুযোগ বা পুৰণি কোনো কামৰ প্ৰস্তাৱ পুনৰ আহিব পাৰে। ব্যৱসায়ীসকলৰ বাবে পুৰণি ক্লায়েণ্টৰ সৈতে পুনৰ যোগাযোগ স্থাপন কৰাটো উপকাৰী হ’ব পাৰে।
প্ৰতিকাৰ: শুকুৰবাৰে বগা চাউল বা বগা মিঠাই দান কৰিব পাৰে।

মকৰ ৰাশি

মকৰ ৰাশিৰ দশম ঘৰত শুক্ৰ ৰেট্ৰ’গ্ৰেড হ’ব। দশম ঘৰটো কৰ্ম, কেৰিয়াৰ আৰু সামাজিক সুনামৰ সৈতে জড়িত। এই সময়ছোৱাত আপুনি নিজৰ কেৰিয়াৰ পৰিকল্পনাক নতুনকৈ মূল্যায়ন কৰিব পাৰে। পুৰণি কোনো চাকৰি, ব্যৱসায়িক সুযোগ, সংস্থা, ক্লায়েণ্ট বা প্ৰকল্প পুনৰ আপোনাৰ ওচৰলৈ অহাৰ সম্ভাৱনা আছে। ব্যৱসায়ীসকলে নিজৰ কামৰ পদ্ধতি আৰু ব্যৱসায়িক সম্পৰ্কসমূহ পুনৰ পৰীক্ষা কৰিব পাৰে। অৱশ্যে এই সময়ছোৱাত হঠাতে কেৰিয়াৰ সলনি কৰাৰ সিদ্ধান্ত নলৈ, নিজৰ বৰ্তমানৰ কামত ক’ত উন্নতিৰ প্ৰয়োজন আছে সেইটো বিচাৰি উলিওৱা অধিক গুৰুত্বপূৰ্ণ বুলি জ্যোতিষীয় ব্যাখ্যাত কোৱা হৈছে।
প্ৰতিকাৰ: শুকুৰবাৰে দেৱী লক্ষ্মীক বগা ফুল আগবঢ়াব পাৰে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ