অসম লাইভ ২৪ঃ ভাৰতীয় ক্ৰিকেট দলৰ জনপ্ৰিয় ক্ৰিকেটাৰ বিৰাট কোহলিয়ে নিজৰ দৰ্শনীয় বেটিং আৰু ফিল্ডিঙেৰে আপ্লুত কৰি আহিছে ক্ৰিকেটপ্ৰেমীক। তাৰ সমান্তৰালভাৱে গঢ়ি আহিছে এটাৰ পিছত আনটো ৰেকৰ্ড। অৱশ্যে ২০২০ বৰ্ষত বিশেষ কোনোধৰণৰ উল্লেখযোগ্য প্ৰদৰ্শন কৰিবলৈ সক্ষম হোৱা নাছিল তেওঁ। পিছে এইবাৰ নতুন এক ৰেকৰ্ড গঢ়াৰ দিশে অগ্ৰসৰ হৈছে বিৰাট কোহলি। সকলো ঠিকে থাকিলে ভাৰত আৰু ইংলেণ্ডৰ মাজত অনুষ্ঠিত হ’বলগীয়া টেষ্ট মেচত এই ৰেকৰ্ড গঢ়িবলৈ সক্ষম হ’ব তেওঁ। এই ৰেকৰ্ড হৈছে স্বদেশৰ ভূমিত ইংলেণ্ডৰ বিৰুদ্ধে সৰ্বাধিক ৰান কৰাৰ ৰেকৰ্ড। এই ৰেকৰ্ড গঢ়িবৰ বাবে বিৰাট কোহলিক প্ৰয়োজন হ’ব ৪৮৯ ৰান। বৰ্তমান এই ৰেকৰ্ড আছে সুনীল গাভাস্কাৰৰ নামত। গাভাস্কাৰে ২২ খন মেচত ১,৩৩১ ৰান কৰি এই ৰেকৰ্ড গঢ়িছিল। আনহাতে বিৰাট কোহলিয়ে বৰ্তমানলৈকে ৯ খন মেচত ৮৪৩ ৰান কৰিছে। উল্লেখযোগ্য যে বিৰাট কোহলিৰ শেহতীয়া ফৰ্ম দেখি অনেকেই এই শৃংখলাতে এই ৰেকৰ্ড ভংগ হ’ব বুলি আশা প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
