বিশ্বজুৰি এতিয়া ডায়বেটিছ মহামাৰীৰ দৰে বাঢ়িছে৷ ঘৰে ঘৰেই আছে ডায়বেটিছ আক্ৰান্ত৷ ভাৰতত এই সংখ্যা দ্ৰুতগতিত বাঢ়িব ধৰিছে৷ দীৰ্ঘদিন ধৰি ডায়বেটিছ নিয়ন্ত্ৰণত নাৰাখিলে নানান জটিল ৰোগৰো আশংকা বাঢ়িব পাৰে৷ সেয়ে ব্লাড ছুগাৰ নিয়ন্ত্ৰণত ৰখা খুবেই জৰুৰী৷ টাইপ ২ ডায়বেটিছত ঔষধৰ সৈতে প্ৰয়োজন জীৱনযাপনৰ পৰিবৰ্তনৰ৷ নিয়মিত শৰীৰচৰ্চা, স্বাস্থ্যকৰ ডায়েটৰ৷ শৰীৰত ব্লাড ছুগাৰৰ মাত্ৰা বাঢ়ি যোৱাৰ আঁৰত থাকিব পাৰে বহু কাৰণ৷ যাৰ মাজত এটা হৈছে ভিটামিনৰ অভাৱ৷ আধুনিক গৱেষণাত দাবী কৰা হৈছে যে এক নিৰ্দিষ্ট ভিটামিনৰ অভাৱত শৰীৰত ইনছুলিনৰ কামৰ প্ৰভাৱ পৰে যিয়ে ডায়বেটিছৰ আশংকা বঢ়াই দিয়ে৷
শৰীৰ সুস্থ কৰি ৰাখিবলৈ অন্যতম প্ৰয়োজনীয় উপাদান হৈছে ভিটামিন ডি৷ এই ভিটামিনে কেৱল হাড়ৰেই স্বাস্থ্য ঠিকে নাৰাখে, ৰোগ প্ৰতিৰোধ ক্ষমতা আৰু বিপাকো নিয়ন্ত্ৰণ কৰে৷ ইয়াৰোপৰি শৰীৰত ইনছুলিন উৎপাদন আৰু ইয়াৰ প্ৰভাৱ বঢ়োৱাতো সহায় কৰে৷ শৰীৰত ভিটামিন ডিৰ ঘাটি হ’লে ইনছুলিনে ঠিকমতে কাম কৰিব নোৱাৰে আৰু তেজত শৰ্কৰাৰ মাত্ৰাও বাঢ়িবলৈ আৰম্ভ কৰে৷ যাৰ কাৰণে টাইপ ২ ডায়বেটিছৰ আশংকা বাঢ়ি যায়৷ ভিটামিন ডিৰ সৈতে ডায়বেটিছৰ এক যোগসূত্ৰ বহুদিন পূৰ্বেই বিচাৰি পাইছে গৱেষকে৷ ভিটামিন ডি সমৃদ্ধ উৎস হৈছে সূৰ্যালোক৷ ইয়াৰোপৰি বেছ কিছু খাদ্যতো এই ভিটামিন পোৱা যায়৷ ভিটামিন ডি যিয়ে তেজত গ্লুকজৰ মাত্ৰা কমাব পাৰে সেয়া বহুতেই নাজানে৷ বিশেষকৈ যিসকল ইতিমধ্যেই প্ৰি ডায়বেটিছত আক্ৰান্ত তেওঁলোকৰ বাবেও ভিটামিন ডি অত্যন্ত গুৰুত্বপূৰ্ণ৷
কেনেকৈ বুজিব ভিটামিন ডিৰ ঘাটি?
ভিটামিন ডিয়ে শৰীৰত কেলছিয়াম আৰু ফছফৰাছ শোষণ নিয়ন্ত্ৰণত সহায় কৰে৷ সেয়ে এই ভিটামিনৰ অভাৱ হ’লে আঁঠু, কঁকালসহ জয়েণ্টৰ বিষ হব পাৰে৷ ৰোগ প্ৰতিৰোধ ক্ষমতা বাঢ়ে৷ বিভিন্ন সংক্ৰমণ আৰু ৰোগৰ বিৰুদ্ধে যুঁজ কৰাতো ডাঙৰ ভূমিকা পালন কৰে ভিটামিন ডিয়ে৷ ফলত ঘনে ঘনে ভাইৰেল জ্বৰ, চৰ্দি কাঁহত ভূগিলে শৰীৰত ভিটামিন ডিৰ ঘাটিৰ লক্ষণ হব পাৰে৷ হাত, ভৰিৰ ঝিনঝিননিও ভিটামিন ডিৰ ঘাটিৰ কাৰণে হ’ব পাৰে৷ ভিটামিন ডিৰ অভাৱত চুলি আৰু চালৰো ক্ষতি হ’ব পাৰে৷ অতিৰিক্ত চুলি সৰা, ছাল ৰুক্ষ হৈ যোৱাৰ দৰে লক্ষণসমূহে দেখা দিলে অবিলম্বে ভিটামিন ডিৰ পৰীক্ষা কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
