দোলাত আহিব দেৱী, মহালয়াৰ পূৰ্বে ৰাজ্যত ধাৰাসাৰ বৰষুণ, কেতিয়ালৈ থাকিব বৰষুণ
এইবাৰ দুৰ্গা পূজাত দেৱীৰ দোলাত আগমণ হব। কাইলৈ মহালয়া। মহালয়াত দোলাত ধৰালৈ আগমণ ঘটিব দেৱী দুৰ্গাৰ। জ্যোতিষ শাস্ত্ৰ অনুসৰি দেৱীৰ দোলাত ধৰালৈ অহাটো অশুভ সংকেট বুলি গণ্য কৰা হয়। ইয়াৰ অৰ্থ হৈছে সাম্ভাৱ্য অৰ্তনৈতিক মন্দাবস্থা, বাণিজ্যিক স্থবিৰতা, বৃদ্ধি পোৱা হিংসা, বিশ্বব্যাপী মহামাৰী বিয়পি পৰা আৰু অস্বাভাৱিক দুৰ্যোগ।
তাৰে মাজতে বতৰ বিজ্ঞান কেন্দ্ৰই সদৰি কৰা অনুসৰি আজিৰে পৰা ৰাজ্যত ধাৰাসাৰ বৰষুণৰ সম্ভাৱনা। অহা ৫ তাৰিখলৈ ৰাজ্যত ধাৰাসাৰ বৰষুণ হব পাৰে বুলি বতৰ বিজ্ঞান কেন্দ্ৰৰ ফালৰ পৰা প্ৰকাশ পাইছে।
ইতিমধ্যে আজি পুৱাৰে পৰা ৰাজ্যৰ বিভিন্ন প্ৰান্তত বৰষুণ আৰম্ভ হৈছে। গুৱাহাটী মহানগৰীটো পুৱা ৭ মান বজাৰ পৰা বৰষুণ আৰম্ভ হৈছে। বতৰ বিজ্ঞান কেন্দ্ৰই সদৰি কৰা অনুসৰি অসমৰ লগতে চুবুৰীয়া ৰাজ্য মেঘালয়তো আজিৰে পৰা অহা ৫ দিন ধাৰাসাৰ বৰষুণ হোৱাৰ সম্ভাৱনা।
ইয়াৰ উপৰিও ৪ অক্টোবৰলৈ অৰুণাচল প্ৰদেশ, অসম, মেঘালয়, নাগালেণ্ড, মণিপুৰ, মিজোৰাম, আৰু ত্ৰিপুৰাৰ ওপৰত বিচ্ছিন্ন প্ৰচণ্ডৰ পৰা অতি প্ৰচণ্ড বৰষুণৰ সম্ভাৱনাৰ বিষয়েও আইএমডিয়ে সকীয়াই দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
