১১ ডিচেম্বৰ ২০২৪ বুধবাৰে চন্দ্ৰই মীন ৰাশি ত্যাগ কৰি মেষ ৰাশিত গোচৰ কৰিব৷ বৈদিক পঞ্জিকা অনুসৰি কাইলৈ আঘোণ মাহৰ শুক্লপক্ষৰ একাদশী তিথি৷ শাস্ত্ৰ অনুসৰি এই দিনটো মোক্ষদা একাদশী নামেৰে পৰিচিত৷ সূৰ্যই এতিয়া অৱস্থান কৰি আছে বৃশ্চিক ৰাশিত৷ বুধবাৰ নিশা ১বাজি ৯ মিনিট পৰ্যন্ত একাদশী তিথি থাকিব৷ তাৰপাছতেই শুক্লা দ্বাদশী আৰম্ভ হ’ব৷ জ্যোতিষ গণনা অনুসৰি কাইলৈ বৰিয়ান যোগ আৰু পৰিঘ যোগৰ প্ৰভাৱ থাকিব৷ কাইলৈ থাকিব প্ৰথমে ৰেবতী নক্ষত্ৰ আৰু পাছত অশ্বিনী নক্ষত্ৰত প্ৰভাৱ৷ এই সকলো যোগৰ প্ৰভাৱত কাইলৈ দিনটো বিশেষ মাহাত্ম্যপূৰ্ণ হ’ব৷ হিন্দুধৰ্মত বুধবাৰ হৈছে গণপতিৰ প্ৰিয় দিন৷ জ্যোতিষ গণনা অনুসৰি কাইলৈ কেইটামান ৰাশিৰ জাতকৰ জীৱনত প্ৰচুৰ সুখ সাফল্য লাভ কৰিব৷ জানি থওক কাইলৈৰ ভাগ্যবান ৰাশিৰ তালিকাত কোন কোন আছে?
বৃষ ৰাশি
১১ ডিচেম্বৰৰ দিনটো আনন্দৰে কটাব বৃষ ৰাশিৰ জাতকে৷ ৰবি যোগৰ প্ৰভাৱত কাইলৈ সম্পদ লাভ হ’ব পাৰে আপোনাৰ৷ ইয়াৰোপৰি কাইলৈ বিশেষ কোনো সন্মান লাভ কৰিব পাৰিব৷ যিসকলে ব্যৱসায় কৰে, তেওঁলোকে কাইলৈ বিশেষভাৱে লাভাম্বিত হ’ব৷ পিতৃৰ সৈতে নিজৰ ভৱিষ্যতক লৈ আলোচনা কৰিব আপুনি৷ যিসকলে ব্যক্তিগত খণ্ডত চাকৰি কৰে তেওঁলোকে কাইলৈ নতুন চাকৰি পাব পাৰে৷
মিথুন ৰাশি
ৰেবতী নক্ষত্ৰৰ প্ৰভাৱত ভাগ্যৰ সুফল লাভ কৰিব মিথুন ৰাশিত জাতকে৷ নিজৰ কঠোৰ পৰিশ্ৰমৰ সম্পূৰ্ণ সুফল আপুনি পাব৷ কাইলৈ বুধবাৰে পেছাগত জীৱনত একাধিক পজিটিভ পৰিবৰ্তন আপুনি দেখা পাব৷ কাইলৈ দিনটো বেছ আৰাম কৰি কটাব পাৰিব আপুনি৷ বন্ধুৰ সৈতে কাইলৈ বিয়লি ভাল সময় কটাব৷ কাইলৈ আৰ্থিক লাভৰ যোগ আছে মিথুন ৰাশিৰ জাতকৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
