অসম লাইভ২৪ঃ ভিটামিন-ডি শৰীৰৰ বাবে খুবেই উপকাৰী। ভিটামিন-ডিৰ অভাৱ হ’লে শৰীৰত বিভিন্ন সমস্যাই দেখা দিয়ে। বিশেষজ্ঞই কোৱা অনুসৰি, মানুহ মাত্ৰেই কিবা নহয় আন কিবা শাৰীৰিক সমস্যা থাকেই। ভিটামিন-ডিৰ ডেফিচিয়েঞ্চি বহু মানুহৰ শৰীৰতেই পোৱা গৈছে। এই ভিটামিনে শৰীৰৰ হাড় টনকীয়াল কৰে। পেশীৰ বাবেও এই ভিটামিন অতি জৰুৰী। জিন গঠন প্ৰক্ৰিয়াতো এই ভিটামিনে সহায় কৰে।
এই ভিটামিনৰ পৰিমান শৰীৰত কমি যোৱা বুলি কেনকৈ বুজিব?
ভিটামিন-ডি কমিলে শৰীৰত কেইবাটাও উপসৰ্গই দেখা দিয়ে। ভিটামিন-ডি কমিলে শৰীৰত বহুকেইটা সমস্যাই দেখা দিয়ে। বেছিসংখ্যকৰে সচৰাচৰ দেখা দিয়া লক্ষণসমূহ হৈছে-
গা বিষ, হাত আৰু ভৰিৰ বিষ
দুৰ্বল অনুভৱ হোৱা
কণমান আঘাততেই ফ্ৰেকচাৰ হোৱা
হাড়ত কট কট শব্দ হোৱা
হাড় ক্ষয় যোৱা
উচ্চতা নবঢ়া আদি
এইসমূহ লক্ষণে দেখা দিলে তাৎক্ষণিকভাৱে চিকিৎসকৰ পৰামৰ্শ লোৱাটো অতি জৰুৰী। বিভিন্ন কাৰণত শৰীৰত ভিটামিন-ডি কমি যাব পাৰে। ভাৰতৰ বহুসংখ্যক মানুহেই নিৰামিষ আহাৰ গ্ৰহণ কৰে। সঠিক ডায়েট নহ’লেই এই সমস্যাই দেখা দিয়াটো স্বাভাৱিক। ইয়াৰোপৰি জিনগত কাৰণতো বহুতৰে শৰীৰত ভিটামিন-ডি কমি থাকে।
সূৰ্যর পোহৰ গাত নপৰা ব্যক্তিৰো এই ৰোগ হ’ব পাৰে। প্ৰতিদিনেই এজন মানুহক ১০০০ ৰ পৰা ১২০০ ইউনিট ভিটামিন-ডিৰ প্ৰয়োজন। সেয়ে ভিটামিন-ডি যুক্ত আহাৰ প্ৰতিদিনে খাদ্যৰ তালিকাত ৰাখিব পাৰে।
শৰীৰত ভিটামিন-ডিৰ পৰিমান বঢ়াবলৈ কেনেধৰণৰ খাদ্য খাব লাগে?
মাছ, কণী, গাখীৰ আদি খাদ্য তালিকাত ৰাখিব লাগে। চয়াবিনতো প্ৰচুৰ পৰিমানে ভিটামিন-ডি থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
