তৰমুজ, আম, লিচুৰ দৰে ৰসাল ফলবোৰে গ্ৰীষ্মকালত কেৱল সকাহ দিয়াই নহয়, ইয়াত ভিটামিন, এন্টিঅক্সিডেন্ট, পানীও প্ৰচুৰ পৰিমাণে থাকে। কিন্তু এই ফলবোৰ খালী পেটতে খোৱাটো উচিতনে? পুষ্টিবিদ চাৰু দুৱাৰাৰ মতে এই ফলবোৰ খোৱাৰ সময়ে আপোনাৰ হজম শক্তি, তেজৰ চেনি, শক্তিৰ মাত্ৰাত গভীৰ প্ৰভাৱ পেলাব পাৰে।
খালী পেটত ফলমূল খোৱাটো নিৰাপদ নে?
মানুহে প্ৰায়ে ফল-মূল স্বাস্থ্যকৰ আৰু যিকোনো সময়তে খাব পৰা বুলি ধৰি লৈছে। কিন্তু পুষ্টিবিদসকলে বুজাইছে যে প্ৰতিটো ফল খালী পেটৰ বাবে উপযোগী নহয়। খালী পেটত ফল-মূল খালে কিছুমান মানুহৰ এচিডিটি, পেট ফুলা, বা হঠাতে তেজত শৰ্কৰাৰ মাত্ৰা বৃদ্ধি হ’ব পাৰে। ফলৰ প্ৰভাৱ আপোনাৰ স্বাস্থ্য, বিপাকীয় ক্ৰিয়া আৰু খোৱাৰ সময়ৰ ওপৰত নিৰ্ভৰ কৰে।
খালী পেটত তৰমুজ খালে কি হয়?
তৰমুজ প্ৰায় ৯০ শতাংশ পানী, যাৰ বাবে ই হাইড্ৰেচনৰ বাবে উৎকৃষ্ট। সাধাৰণতে ৰাতিপুৱা বা খাদ্যৰ মাজত খালে নিৰাপদ বুলি গণ্য কৰা হয়, কাৰণ ই সোনকালে হজম হয়। কিন্তু পুষ্টিবিদসকলে সকীয়াই দিছে যে খালী পেটত বেছিকৈ তৰমুজ খালে পেট ফুলিব পাৰে। বিশেষকৈ ডায়েবেটিছ ৰোগীৰ বাবে তেজত চেনিৰ মাত্ৰা দ্ৰুত উঠা-নমা কৰিব পাৰে।
ভাল হজম শক্তিৰ বাবে এই পদ্ধতিসমূহ মানি চলক
বাদাম, গুটি, বা দৈৰ সৈতে ফল খাব। ইয়াৰ ফলত চেনিৰ শোষণ লেহেমীয়া হয় আৰু বেছি দিনলৈকে ভৰপূৰ অনুভৱ হয়। কেৱল ফল-মূল স্বাস্থ্যকৰ বুলিয়েই যিকোনো সময়ত বহু পৰিমাণে কোৱা অনুচিত। ফলমূল সদায় পৰিমিতভাৱে খাব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
