অসম লাইভ২৪ঃ বিশ্বজুৰি ২০০ কোটি ইউজাৰ আছে Whatsappৰ। এই এপৰ মালিক হৈছে মাৰ্কিন টেক জায়েণ্ট মেটা। মেটাৰ অধীনতেই আছে Whatsapp, ফেছবুক, ইনষ্টাগ্ৰাম, থ্ৰেডছৰ দৰে কেইবাটাও ছচিয়েল মিডিয়া এপ্লিকেশ্ব্যন। ফেছবুকৰ পাছতেই সৰ্বাধিক ব্যৱহৃত সামাজিক মাধ্যমেই হৈছে Whatsapp. Whatsappৰ জৰিয়তে কেৱল মেছেজেই কৰা হয় তেনে নহয়। ভয়েছ কল, ভিডিঅ’ কল, চেনেল, টকাৰ লেনদেন ইত্যাদি বহুকেইটা সুবিধাই এই এপ্লিকেশ্ব্যনত উপলব্ধ। সামাজিক মাধ্যম হিচাপে বিপুলভাৱে চৰ্চিত এই এপক কিন্তু শেহতীয়াভাৱে নিষিদ্ধ ঘোষণা কৰিছে কেইবাখনো দেশে। ৫খন দেশত সম্পূৰ্ণভাৱে নিষিদ্ধ কৰা হৈছে এই এপ।
ফেছবুকৰ ওপৰিও Whatsappয়ো নিষিদ্ধ কৰা হৈছে এই ৫খন দেশত। Whatsapp নিষিদ্ধ কৰা দেশৰ ভিতৰত পোনতেই নাম ল’ব লাগিব চীনৰ। চীনত ফেছবুক, Whatsapp একেবাৰেই নিষিদ্ধ। মাৰ্কিন সংস্থাৰ এই মেছেজিং এপ ব্যৱহাৰ নহয় চীনত। কঠোৰ নিৰাপত্তাৰ কাৰণে এই দেশৰ মানুহে Whatsapp ব্যৱহাৰ কৰিব নোৱাৰে। Whatsapp ব্যৱহাৰ নকৰিলেও কিছু বিকল্প এপ আছে চীনৰ। VPNৰ মাধ্যমেৰে এই এপ ব্যৱহাৰ কৰে চীনে। Whatsappৰ সলনি চীনৰ নাগৰিকে তেওঁলোকৰ নিজা ছচিয়েল মিডিয়া এপ WeChat ব্যৱহাৰ কৰে।
ইৰাণ
দেশজুৰি বিভিন্ন স্থানত অশান্তি আৰু প্ৰতিবাদৰ কাৰণে ইৰাণ চৰকাৰে Whatsapp নিষিদ্ধ কৰিছে। এই দেশৰ চৰকাৰৰ মতে মেটা মালিকাধীন এই Whatsapp এটা ইহুদীবাদী ষড়যন্ত্ৰৰ অংশ। সেয়ে এই দেশত কোনোৱেই Whatsappএপ ব্যৱহাৰ নকৰে।
উত্তৰ কোৰিয়া
এই দেশৰ চৰকাৰৰ তৰফৰ পৰাও খুবেই কঠোৰভাৱে ইণ্টাৰনেট ব্যৱহাৰৰ ওপৰত নিষেধাজ্ঞা জাৰি কৰা হৈছে। উত্তৰ কোৰিয়াৰ মাত্ৰ কেইগৰাকীমান ব্যক্তিয়েহে ইণ্টাৰনেট ব্যৱহাৰ কৰিব পাৰে। এই পৰিস্থিতিত সাধাৰণ মানুহে Whatsapp ব্যৱহাৰ কৰিলে নিশ্চিতভাৱে তেওঁলোকে মৃত্যুদণ্ডৰ দৰে শাস্তি লাভ কৰিব পাৰে। সমস্ত বিদেশী এপ আৰু ৱেবচাইট উত্তৰ কোৰিয়াত একেবাৰে নিষিদ্ধ।
ছিৰিয়া
২০১১ চনৰ পৰা গৃহযুদ্ধত বিপৰ্যস্ত এখন দেশ ছিৰিয়া। যাৰ ফলত সমস্ত যোগাযোগ আৰু তথ্য-প্ৰচাৰৰ নিয়ন্ত্ৰণ নিজৰ হাতত ৰাখিছে ছিৰিয়া চৰকাৰে। এই দেশৰ মানুহৰ হাতত কোনো ধৰণৰ মাৰ্কিণ এপ ব্যৱহাৰ কৰা নিষিদ্ধ। যাৰ মাজত আছে Whatsappয়ো। এই দেশৰ চৰকাৰে ভাৱিছে যে এই এপ বিদ্ৰোহীসকলৰ যোগাযোগৰ এবিধ ডাঙৰ হাথিয়াৰ হৈ উঠিছে।
তুৰস্ক
পৰ্যটনৰ বাবে বেছ পৰিচিত এখন দেশ হৈছে তুৰস্ক। প্ৰতি বছৰে এই দেশলৈ লাখ লাখ মানুহ ফুৰিবলৈ আহে। কিন্তু জানিলে অবাক হ’ব যে, এই দেশত সম্পূৰ্ণভাৱে নিষিদ্ধ ফেছবুক, ইউটিউব আৰু Whatsapp। ছচিয়েল মিডিয়া এপক লৈ ভীষণ কঠোৰ এই দেশৰ চৰকাৰ। ভুল তথ্য আৰু ছচিয়েল মিডিয়াৰ ওপৰত নিয়ন্ত্ৰণ বঢ়াবলৈ এই আইনৰ প্ৰস্তাৱ কৰিছে দেশৰ নেতাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
