হোৱাটছএপত ষ্টেটাছ লগাই ভাল পোৱা সকলৰ বাবে আহিছে এক বিশেষ বৈশিষ্ট্য, পূৰ্বতকৈ অধিক পাব মজা
হোৱাটছএপে ইয়াৰ ব্যৱহাৰকাৰীসকলৰ বাবে অহৰহ নতুন নতুন বৈশিষ্ট্যৰ প্ৰৱৰ্তন কৰে। এতিয়া পোহৰলৈ আহিছে যে এপটোৰ বাবে আন এটা বিশেষ বৈশিষ্ট্য উপলব্ধ হ’ব। হোৱাটছএপে মেক ব্যৱহাৰকাৰীৰ বাবে এটা বৈশিষ্ট্য আনিছে যাৰ অধীনত ডেস্কটপৰ জৰিয়তেও ষ্টেটাছ শ্বেয়াৰ কৰিব পাৰিব।
কোম্পানীয়ে এণ্ড্ৰইড ডিভাইচত এনে এটা ফিচাৰ অনাৰ পিছত মেকৰ বাবে এই ফিচাৰ মুকলি কৰিছে। শেহতীয়াকৈ হোৱাটছএপ ব্যৱহাৰকাৰীসকলক যিকোনো লিংক কৰা মোবাইল ডিভাইচৰ পৰা ষ্টেটাছ আপডেটৰ জৰিয়তে ফটো, ভিডিঅ’, জিআইএফ, টেক্সট আৰু ভইচ মেছেজ শ্বেয়াৰ কৰাৰ সুবিধা দিয়া হৈছিল।
ইয়াক মেক সংস্কৰণ ২৪.১১.৭৩ৰ শেহতীয়া বিটাত মুকলি কৰা হৈছে, যাৰ জৰিয়তে এতিয়া ডেস্কটপৰ পৰা ষ্টেটাছ আপডেট কৰিব পাৰিব।
WABetaInfo এ এটা স্ক্ৰীণশ্বটো শ্বেয়াৰ কৰিছে য’ত এই বৈশিষ্ট্যই শেষত কেনেদৰে কাম কৰিব সেয়া চাব পাৰি। এই বৈশিষ্ট্য বৰ্তমান কিছুমান বিটা পৰীক্ষকৰ বাবে উপলব্ধ আৰু আগন্তুক দিনত আন ব্যৱহাৰকাৰীৰ বাবেও ইয়াক প্ৰৱৰ্তন কৰা হ’ব বুলি আশা কৰা হৈছে।
ইয়াৰ বাহিৰেও পূৰ্বে ব্যৱহাৰকাৰীয়ে ৩০ ছেকেণ্ডৰ ভইচ মেছেজ পোষ্ট কৰিব পাৰিছিল যদিও এতিয়া ১ মিনিটৰ ভইচ মেছেজ পোষ্ট কৰাৰ সুবিধা দিয়া হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
