বলীউডৰ জগতখনত সৰু ডাঙৰ বহুতো ঘটনা ঘটি থাকে। কোনো কোনো ঘটনা বনজুইৰ দৰে বিয়পি পৰে। নেতিবাচক চৰিত্ৰতো তেওঁৰ যথেষ্ট সফলতা আছিল। যদিও তেওঁৰ গ্লেমাৰাছ ষ্টাইলৰ শলাগ লোৱা হৈছিল, তথাপিও তেওঁ ‘যোশিলা’ ছবিখনত বিকিনি পিন্ধিবলৈ অস্বীকাৰ কৰিছিল, যাৰ বাবে প্ৰায় দুঘণ্টাৰ বাবে শ্বুটিং বন্ধ কৰিবলগীয়া হৈছিল। জানেনে এই অভিনেত্ৰী কোন?
প্ৰায়বোৰ ছবিতে নেতিবাচক চৰিত্ৰত অভিনয় কৰি দৰ্শকৰ মাজত চিৰস্থায়ী চাপ পেলাইছিল অভিনেত্ৰীগৰাকীয়ে। এবাৰ ‘যোশিলা’ আৰু ‘অৰ্জুন পণ্ডিত’ ছবিৰ কথা কওঁতে তেওঁৰ এটা স্মৃতি শ্বেয়াৰ কৰে। এসময়ত যশ চোপ্ৰাৰ ছবি ‘যোশিলা’ৰ শ্বুটিং প্ৰায় দুঘণ্টা ধৰি কেনেদৰে বন্ধ কৰি দিছিল অভিনেত্ৰীগৰাকীয়ে। ‘অৰ্জুন পণ্ডিত’ ছবিখনত সঞ্জীৱ কুমাৰে তেওঁক ‘মা’ বুলি কোৱাটো যথেষ্ট কঠিন বুলিও কয়।
বিকি লালৱানীৰ সৈতে হোৱা কথা-বতৰাত অভিনেত্ৰী বিন্দুৱে নিজৰ কেৰিয়াৰৰ কিছুমান স্মৰণীয় মুহূৰ্তৰ কথা মনত পেলাই দিয়ে। ১৯৭০ৰ দশকত হিন্দী চিনেমাৰ অভিনেতাসকলৰ মাজত হোৱা কথা বৰ্ণনা কৰিছিল। ‘যোশিলা’ৰ শ্বুটিঙৰ কথা সুৱৰি বিন্দুৱে কয় যে চেটত উপস্থিত হৈ তেওঁ স্তম্ভিত হৈ পৰিছিল। সেই ছবিৰ এটা দৃশ্যৰ বাবে বিকিনি পিন্ধিবলৈ কোৱা হৈছিল। তেওঁ কয়, “বিকিনি পিন্ধিবলৈ সাজু নোহোৱাৰ বাবেই দুঘণ্টা ধৰি শ্বুটিং বন্ধ কৰি দিয়ে। তেওঁ কয়, “মই যশজীক কৈছিলো ‘প্লিজ, আপুনি মোক এই বিষয়ে আগতে কেতিয়াও কোৱা নাছিল।’ চেটত অহাৰ পিছতহে এই বিষয়ে জানিব পাৰিলোঁ।”
অভিনেত্ৰীগৰাকীয়ে কয় যে তেওঁ লগে লগে তেওঁৰ কষ্টুম ডিজাইনাৰক ফোন কৰে, আৰু গোটেই ইউনিটটোৱে ৰৈ থাকে। তাৰ পিছত যশজীয়ে কৈছিল, ‘যিমান পাৰি পানীৰ তলত থাকক। আমি তেনেকৈয়ে শ্বুটিং কৰিম, আৰু কেৱল চাইড আৰু বেক শ্বটহে লম।’ বেচেৰা দেৱ আনন্দজীয়ে মনে মনে বহি একো নক’লে মই ভাবি আছিলোঁ তেওঁ কি ভাবিছে, কিন্তু যশে মোক আশ্বাস দি ক’লে, ‘আমি চম্ভালিম।’
যশ চোপ্ৰাই প্ৰথমে বিন্দুক আৰামদায়ক অনুভৱ কৰিবলৈ দৃশ্যপট সলনি কৰিছিল। সেই দৃশ্যটো মনত পেলাই বিন্দুৱে কয়, “তেওঁলোকে মোক পানীত নমাই তাৰ পৰাই শ্বুটিং কৰিছিল, আৰু তাৰ পিছত তেওঁলোকে কেৱল কাষৰ পৰা আৰু পিছফালৰ পৰাই চিত্ৰগ্ৰহণ কৰিছিল। পিছত মই চিনেমাটোগ্ৰাফাৰ ফালি মিষ্ট্ৰীক সুধিলোঁ যে কেনেকুৱা লাগিছে। তেওঁ ক’লে, ‘চিন্তা নকৰিবা, আপুনি ভাল দেখা গৈছে, ই অশ্লীল নহয়।’ ফালি জীৰ কথাই মোক আশ্বস্ত কৰিলে।”
১৯৭৩ চনত মুক্তি পোৱা যোশিলাত দেৱ আনন্দ, হেমা মালিনী, ৰাখী আৰু বিন্দুৰ অভিনয়ত দেৱ আনন্দই দ্বৈত চৰিত্ৰত অভিনয় কৰিছিল। সংগীত আৰু উৎকৃষ্ট অভিনয়ৰ বাবে চিনেমাখন স্মৰণীয়। বিন্দুৱে সঞ্জীৱ কুমাৰকে ধৰি সেই যুগৰ সকলো প্ৰধান তাৰকাৰ সৈতে কাম কৰিছিল। লগতে কিংবদন্তি অভিনেতাগৰাকীৰ বিষয়ে এটা আমোদজনক ঘটনাও শ্বেয়াৰ কৰে। এই ঘটনা সংঘটিত হয় যেতিয়া দুয়োগৰাকী তাৰকাই একেদিনাই দুখন বেলেগ বেলেগ ছবিৰ শ্বুটিং কৰি আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
