মুছলমান সম্প্ৰদায়ৰ বাবে বছৰৰ সকলোতকৈ পবিত্ৰ সময় হৈছে ৰমজান মাহ৷ এই মাহত সূৰ্যোদয়ৰ পৰা সূৰ্যাস্ত পৰ্যন্ত ৰোজা, অৰ্থাৎ উপবাসে থাকে ধৰ্মপ্ৰাণ মুছলমানে৷ ৰমজান মাহৰ শেষৰ দিনত পালিত হয় মুছলমানসকলৰ সকলোতকৈ ডাঙৰ উৎসৱ ঈদ-উল-ফিতৰ৷ এই বছৰ ভাৰতত ৰমজান মাহ আৰম্ভ হৈছে ১৮ ফেব্ৰুৱাৰীৰ পৰা৷ ৰমজান মাহৰ শেষৰ ১০ দিন আশৰা নামেৰে পৰিচিত৷ এই সময়ত ঈদ পালনৰ প্ৰস্তুতি তুংগত উঠে৷
ঈদ কেতিয়া?
প্ৰতি বছৰে ঈদৰ তাৰিখক লৈ সাধাৰণ মানুহৰ মনত এক সংশয় তৈয়াৰ হয়৷ কাৰণ ঈদ পালনৰ বাবে ঈদৰ চন্দ্ৰ দেখা যোৱা জৰুৰী৷ ইছলামিক কেলেণ্ডাৰ অনুসৰি ৰমজান মাহৰ পাছত আৰম্ভ হয় শাৱাল মাহ৷ শাৱাল মাহৰ প্ৰথম দিনা পালিত হয় ঈদ-উল-ফিতৰ৷ কেতিয়াবা ২৯ দিনৰ ৰোজাৰ পাছত ঈদৰ চন্দ্ৰ উঠে৷ আকৌ কেতিয়াবা ৩০ দিন ৰোজা ৰখাৰ পাছতেই ঈদৰ চন্দ্ৰ দেখা যায়৷ ধাৰণা কৰা হৈছে যে এই বছৰ ১৯মাৰ্চত ঈদৰ চন্দ্ৰ দেখা যাব৷ তাৰ পিছৰ দিনা ২০ মাৰ্চ ২০২৬ শুকুৰবাৰে পালিত হ’ব ঈদ৷ আৰু চন্দ্ৰ যদি ২০ তাৰিখে দেখা যায় তেতিয়া ২১ মাৰ্চত ঈদ পালন হব৷ ভাৰতত সাধাৰণতে ছৌদি আৰৱৰ এদিন পাছত ঈদ পালন হয়৷ কাৰণ সাধাৰণতে ছৌদিৰ এদিন পাছত ভাৰতত ঈদৰ চন্দ্ৰ দেখা যায়৷
মিঠি ঈদ
ৰমজান মাহৰ পাছত যি ঈদ পালন হয় অৰ্থাৎ ঈদ উল ফিতৰক মিঠি ঈদ নামেৰেও জনা যায়৷ কাৰণ এই ঈদত মুছলমান সম্প্ৰদায়ৰ মাজত মিঠাই বিতৰণৰ প্ৰথাও প্ৰচলিত আছে৷ পুৱাই ঈদৰ নামাজ, নতুন পোছাক আৰু মিঠাই মুখত দি ঈদৰ আনন্দত মছগুল হৈ পৰে সকলো৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
