কোন হ’ব ভাৰতীয় ক্ৰিকেট দলৰ পৰৱৰ্তী মুখ্য প্ৰশিক্ষক, দৌৰত আছে শচীন, ধোনী, যুৱী, গম্ভীৰৰ নাম
এফালে টি২০ বিশ্বকাপক লৈ ক্ৰিকেট মহল গৰম, আনফালে দলটোৰ পৰৱৰ্তী মুখ্য প্ৰশিক্ষকৰ পদৰ কোন হ’ব প্ৰাৰ্থী তাকো লৈয়ে গৰম হৈ আছে বি চি চি আই। কোন হ’ব পৰৱৰ্তী মুখ্য প্ৰশিক্ষক।
টি -২০ বিশ্বকাপৰ পাছতে বৰ্তমানৰ প্ৰশিক্ষক ৰাহুল দ্ৰাবিড়ে এৰিব মুখ্য প্ৰশিক্ষকৰ দায়িত্ব, আৰু বৃদ্ধি কৰিব নিবিচাৰে তেখেতৰ কাৰ্যকাল। যাৰ বাবে গুগল যোগে বিচাৰ হৈছে মুখ্য প্ৰশিক্ষক পদৰ বাবে আবেদন।
ইয়াৰ পাছতে ভাৰতীয় ক্ৰিকেট সন্থা বিচিচিআইয়ে অনলাইল যোগে লাভ কৰিছে ৩ হাজাৰ আবেদন। যাৰ ভিতৰত আছে বহু কেইগৰাকী প্ৰাক্তন ৰথী-মহাৰথী ক্ৰিকেট খেলুৱৈৰ নাম।
ইয়াৰ ভিতৰত ভাৰতীয় ক্ৰিকেট দলৰ প্ৰাক্ৰন ক্ৰিকেটাৰ গৌতম গম্ভীৰৰ নাম বৰ্তমানে শীৰ্ষত আছে। আই পি এলৰ প্ৰশিক্ষক হিচাপে কলকাতা নাইট ৰাইডাৰ্ছক জয়ৰ সোৱাদ দিয়াৰ পাছতে গৌতম গমভীৰৰ নাম উচ্চাৰিত হবলৈ ধৰিছে এই পদৰ বাবে। আনহাতে বিচিচিআইৰ হৈ জয় শ্বাহে গম্ভীৰৰ সৈতে কথা পতা ফটোও বৰ্তমানে সামাজিক মাধ্যমত ভাইৰেল হৈ পৰিছে।
পাছে বৰ্তমানলৈ এইটো স্পষ্ট হোৱা নাই যে, গম্ভীৰে মুখ্য প্ৰশিক্ষকৰ দায়িত্বৰ বাবে আবেদন কৰিছিল নে নাই। অৱশ্যে বিচিচিআই কিম্বা গম্ভীৰৰ ফালৰ পৰাও এই ক্ষেত্ৰত কোনো ধৰণৰ তথ্য প্ৰকাশ পোৱা নাই।
তাৰ বিপৰীতে প্ৰকাশ পোৱা এক তথ্য অনুসৰি, আবেদন কৰা ৩০০০ লোকৰ মাজত মোদী আৰু অমিত শ্বাহৰো নাম আছে। কোনোৱে হয়তো ধেমালিৰে তেনেদৰে কৰিছে বুলি প্ৰকাশ। তেনেদৰে বহু ভুৱা আৱেদন তালিকাত থকা বুলি জানিব পৰা গৈছে।
তাৰ বিপৰীতে ৰাষ্ট্ৰীয় সংবাদ মাধ্যমত প্ৰকাশিত বাতৰি অনুসৰি আৱেদনকাৰী সকলৰ মাজত ভাৰতীয় ক্ৰিকেট দলৰ প্ৰাক্তন ধুৰন্ধৰ যুৱৰাজ সিং, মহেন্দ্ৰ সিং ধোনীৰো নাম আছে। তাৰোপৰি ক্ৰিকেটৰ ভগৱান শচীন তেণ্ডুলকাৰৰো নাম এই তালিকাত আছে বুলি প্ৰকাশ।
উল্লেখ্য যে, এইবাৰৰ দৰে পূৰ্বেও এনেদৰে অনলাইন আৱেদন বিচৰা হৈছিল ভাৰতীয় ক্ৰিকেট দলৰ মুখ্য প্ৰশিক্ষকৰ পদৰ বাবে। এইবাৰ ৩০০০ লোকে আৱেদন কৰিছিল, পূৰ্বৰ বাৰ ৫০০০ লোকে আৱেদন কৰিছিল এই পদত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
