শ্বাহৰুখ খান আৰু কাজল, পৰ্দাত থকা মানেই মোটা টকা বক্স অফিচৰ আয়৷ দৰ্শকৰ ওচৰত এই জুঁটি নষ্টালজিয়া৷ এই জুটি মানেই প্ৰেক্ষাগৃহ হাউছফুল, নব্বৈৰ দশকৰ দৰ্শকৰ বাবে এই জুঁটি আৱেগ৷ সকলোবোৰ ভালে ভালে চলিলেও কেৰিয়াৰৰ দীৰ্ঘ সময় তেওঁলোকে একেলগে কাম কৰা নাছিল৷ উভতাই পঠিয়াইছিল বহু প্ৰস্তাৱ৷ কিন্তু আঁৰত কি কাৰণ? তেওঁলোকৰ সম্পৰ্কত অন্তৰায় হৈ উঠিছিল নেকি পৰকীয়াৰ গুঞ্জন?
পৰকীয়া গুঞ্জন নহয় দৰ্শকৰ অত্যধিক উচ্ছ্বাসতহে ক্লান্ত হৈ পৰিছিল অজয় দেৱগন৷ বলীউডৰ ভাইৰেল খবৰমতে এসময়ত অজয় দেৱগন ইমানেই অতিষ্ঠ হৈ পৰিছিল যে তেওঁ বিচৰা নাছিল কাজল-শ্বাহৰুখে একেলগে পৰ্দাত কাম কৰক৷ এবাৰ কাজলৰ সৈতে এখন চিনেমা কৰিবলৈ মন মেলি শ্বাহৰুখ পাইছিলগৈ অজয় দেৱগণৰ কাষত৷ কিন্তু অজয় মান্তি নহ’ল৷ কিং খানক উভতাই পঠিয়ালে অজয়ে৷
অজয়ে ভালদৰেই জানিছিল দৰ্শকে শ্বাহৰুখ আৰু কাজলক একেলগে চাবলৈ পছন্দ কৰে৷ কিন্তু সেয়া সাধাৰণভাৱে মানি ল’বও খোজা নাছিল অজয়ে৷ অজয়লৈ বহু মেইল আহিছিল৷ বহু মেইলতেই কাজলক ভক্তসকলে পৰামৰ্শ দিছিল, অজয়ৰ পৰা বিচ্ছেদ লওক৷ এই বিতৰ্ক দেখি আৰু সহ্য কৰিব নোৱাৰিলে অজয়ে৷ দৰ্শকৰ পৰা এই যুঁটিক পৃথক কৰালে হয়তো কাজলো তেওঁৰ কাষত নাথাকিব, সেই কথা বুজি উঠিল অজয়ে৷ সেয়ে অজয়ে নিজা সিদ্ধান্ত সলনি কৰিলে৷ ফলত দীৰ্ঘ অপেক্ষাৰ অন্তত আকৌ একেলগে কাম কৰিবলৈ আৰম্ভ কৰে কাজল-শ্বাহৰুখে৷
এই বিষয়টোক লৈ শ্বাহৰুখ খানে এক সাক্ষাৎকাৰত কৈছে, ‘সাধাৰণ মানুহে বহু সময়ত আমাক বহু কথাই কয়৷ কিন্তু সেয়া কেতিয়াও পেছাগত জীৱনত মই প্ৰভাৱ পৰিবলৈ নিদিও৷ অৱশ্যে সময়ৰ লগে লগে পৰিস্থিতি সলনি হৈ থাকে৷’ সময়ৰ লগে লগে শ্বাহৰুখ আৰু অজয়ৰ মাজৰ খেলিমেলিও দূৰ হৈছে৷ কাজলে দুজনৰ সৈতেই এতিয়া চিনেমাত কাম কৰে৷ শ্বাহৰুখৰ সৈতে তেওঁ কৰা বৰ্তমানৰ শেষ ছবি দিলৱালে৷ এই ছবিত আকৌ এবাৰ দৰ্শকে আদৰি লৈছে শ্বাহৰুখ আৰু কাজলৰ ৰোমান্স৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
