প্ৰেমৰ বাবেই বিশেষ সিদ্ধান্ত, বান্ধৱীক বিয়া পাতিবলৈ বহু টকা খৰচ কৰি শিবাংগী হ’ল ৰানো
এখন গহনা দোকানত প্ৰথম সাক্ষাৎ। তাৰ পৰাই বন্ধুত্ব, সেই বন্ধুত্ব গৈ পাছত প্ৰেম, শেশত বিবাহৰ সিদ্ধান্ত। এতিয়ালৈকে আন বহু প্ৰেম কাহিনীৰ দৰেই দুয়োৰে প্ৰেম আগবাঢ়ে। দিনে দিনে অধিক গাঢ় হৈ গৈ থাকে দুয়োৰে মাজৰ প্ৰেম। কিন্তু এই প্ৰেমত আছিল বহু বাধা। কাৰণ দুয়ো প্ৰেমিক আছিল যুৱতী।
সেয়ে লয় এক বিশেষ সিদ্ধান্ত। দুয়োৰে মাজৰ এগৰাকী যুৱতীয়ে নিজৰ লিংগ সলনি কৰাৰ সিদ্ধান্ত লয়। মহিলাৰ মানুহৰ পৰা পুৰুষলৈ ৰূপান্তৰিত হয়। প্ৰেমক পূৰ্ণতা দিয়াৰ উদ্দেশ্যেই গ্ৰহণ কৰে এই সিদ্ধান্ত। মুঠ তিনিটাকৈ অস্ত্ৰোপচাৰৰ জৰিয়তে নিজৰ লিংগ সলনি কৰি এজন পুৰুষলৈ সলনি হৈ প্ৰেমিকাৰ সৈতে বিয়াত বহে।
উত্তৰ প্ৰদেশৰ কনৌজৰ এই প্ৰেম কাহিনী এতিয়া সৰ্বত্ৰে চৰ্চিত। দুই যুৱতীৰ নাম শিৱাংগী (৩২) আৰু জ্যোতি(২৫)। দুয়োৰে বিয়াৰ ফটো আৰু ভিডিঅ’ বোৰো ভাইৰেল হৈছে ছ’চিয়েল মিডিয়াত।
https://x.com/AnilYadavmedia1/status/1870304459860963430
জানিব পৰা অনুসৰি শিৱাংগীৰ পিতৃৰ এখন গহনা বিপণী আছে। তাতেই ২০২০ চনত জ্যোতিৰ সৈতে প্ৰথম দেখা আৰপ সাধাৰণ বাৰ্তালাপ হৈছিল শিৱাংগীৰ। তেতিয়া জ্যোতিৰ এখন বিউটি পাৰ্লাৰ আছিল। জ্যোতি শিৱাংগীৰ দোকানলৈ গহনা কিনিবলৈ আহিছিল। শিৱাংগীয়ে প্ৰথম দৃষ্টিতে জ্যোতিক ভাল পায়।
ইয়াৰ পিছতে তেওঁলোকৰ বন্ধুত্ব গভীৰ হৈ পৰে। লাহে লাহে দুয়ো দুয়োৰে প্ৰেমত পৰে। পৰিয়ালৰ সন্মতি সাপেক্ষে বিয়া পাতিবলৈও সিদ্ধান্ত লয় দুয়ো। কিন্তু ভাৰতত সমলিংগ বিবাহ বৈধ নহয়।
সেয়ে শিৱাংগীয়ে নিজৰ লিংগ সলনি কৰিবলৈ অস্ত্ৰোপচাৰ কৰাৰ সিদ্ধান্ত লয়। অস্ত্ৰোপচাৰৰ জৰিয়তে শিবাংগী হৈ পৰে পুৰুষ। নামো সলনি কৰি লয় শিৱাংগীয়ে। পৰিয়ালৰ সূত্ৰ অনুসৰি আৰু এটা অস্ত্ৰোপচাৰ এতিয়াও বাকী আছে শিৱাংগীৰ। কিন্তু শিৱাংগীৰ জীৱন ইতিমধ্যে পুৰুষসুলভ হৈ পৰিছে।
এতিয়া কেৱল শিৱাংগী -জ্যোতিৰ এটাই সপোন, সুখেৰে পাৰ হওক তেঁওলোকৰ সংসাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
