Harmanpreet Kaur 200th T20I: ভাৰতীয় মহিলা ক্ৰিকেট দলৰ অধিনায়ক হৰমনপ্ৰীত কৌৰে বিশ্ব ক্ৰিকেটত এক নতুন অভিলেখ গঢ়িলে। যিটো অভিলেখ আন কোনো পুৰুষ বা মহিলা খেলুৱৈয়ে লাভ কৰিব পৰা নাই। আইচিচি মহিলা টি-২০ বিশ্বকাপ ২০২৬ত দক্ষিণ আফ্ৰিকাৰ বিৰুদ্ধে টছৰ বাবে খেলপথাৰত নামি থকাৰ সময়তে হৰমনপ্ৰীতে ২০০ খন টি-২০ আন্তঃৰাষ্ট্ৰীয় মেচ খেলা বিশ্বৰ প্ৰথমগৰাকী ক্ৰিকেটাৰ হিচাপে পৰিগণিত হয়।
মানচেষ্টৰৰ ঐতিহাসিক অল্ড ট্ৰেফৰ্ড খেলপথাৰত খেলা এই মেচখন টিম ইণ্ডিয়াৰ বাবেই তাৎপৰ্যপূৰ্ণ নহয়, হৰমনপ্ৰীতৰ কেৰিয়াৰৰ বাবেও এক স্মৰণীয় খেল। প্ৰায় ১৭ বছৰীয়া আন্তঃৰাষ্ট্ৰীয় কেৰিয়াৰৰ জৰিয়তে ধাৰাবাহিক প্ৰদৰ্শন আৰু অতুলনীয় ফিটনেছে তেওঁক এই মাইলৰ খুঁটিত উপনীত হোৱাত সহায় কৰিছে।
হৰমনপ্ৰীত কৌৰৰ টি-২০ কেৰিয়াৰৰ কাহিনী যথেষ্ট আকৰ্ষণীয়। ২০০৯ চনত ইংলেণ্ডত খেলা উদ্বোধনী মহিলা টি-২০ বিশ্বকাপত আন্তঃৰাষ্ট্ৰীয় টি-২০ যাত্ৰা আৰম্ভ কৰিছিল। এতিয়া ২০২৬ চনত একেখন প্ৰতিযোগিতাৰ দশম সংস্কৰণত ইংৰাজী মাটিত ২০০ সংখ্যক মেচ সম্পূৰ্ণ কৰি ইতিহাস ৰচনা কৰিছে।
হৰমনপ্ৰীতৰ অধিনায়কত্বত ভাৰতীয় মহিলা দলটো বৰ্তমান উৎকৃষ্ট ফৰ্মত আছে। মাত্ৰ ৮ মাহ পূৰ্বে ভাৰতক তাৰকা অধিনায়কত্বৰে ভাৰতক এদিনীয়া বিশ্বকাপৰ খিতাপ দখল কৰিবলৈ সক্ষম হৈছিল। সেই ঐতিহাসিক খিতাপ জয়ৰ পিছত এতিয়া হৰমনপ্ৰীতৰ মনোযোগ ভাৰতলৈ টি-২০ বিশ্বকাপৰ ট্ৰফী অনাত।
আই চি চি মহিলা টি-২০ বিশ্বকাপ ২০২৬ত টিম ইণ্ডিয়াই প্ৰথম দুখন মেচত জয়লাভ কৰিছে। এতিয়া দক্ষিণ আফ্ৰিকাক পৰাস্ত কৰি জয়ৰ হেট্ৰিকৰ লক্ষ্য লৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
