আচৰিত হৈছিল চিকিৎসকো, সেই দীৰ্ঘদিনিয়া যাত্ৰাৰ অন্ত…
জন্মৰে পৰা দুয়োৰে মূৰ দুটা লাগি থকা। চিকিৎসকেও বহু চেষ্টা কৰি বিফল হৈছিল দুয়োকে বিচ্ছিন্ন কৰাৰ ক্ষেত্ৰত। তেনেকৈয়ে থাকি যায় দুয়ো ভাই-ভনী।
শৰীৰ সম্পূৰ্ণ বেলেগ হলেও মূৰ-মগজু লাগি থকা দুয়োৰে। যাৰ বাবে চিকিৎসকে কোনোদিনে বিচ্ছিন্ন কৰিব নোৱাৰে দুয়োকে। তেনেদৰেই দুয়ো ভাই-ভনীয়ে কটাই দিয়ে তিনি কুৰি বছৰ।
বিখ্যাত কনজইন তথা শৰীৰ লাগি থকা যমজ ল’ৰি আৰু জৰ্জৰ ৬২ বছৰ বসয়ত মৃত্যু। চিকিৎসা বিজ্ঞানক আচৰিত কৰি ৬২ বছৰ ধৰি সুস্থ ভাৱে জীয়াই থাকিল দুয়ো।
কেৱল জীয়াই থকাই নহয় দুয়ো পৃথকে নিজৰ কেৰিয়াৰো গঢ়ে। ল’ৰিয়ে হাস্পতালত সহায়িকাৰ কাম কৰাৰ বিপৰীতে জৰ্জে মিউজিকত নাম গঢ়ে। ১৯৯৭ চনত লছ এঞ্জেলছ মিউজিক সন্মানো লাভ কৰিছিল জৰ্জে।
সেই ল’ৰী আৰু জৰ্জ শ্বেপেলৰেই চলিত এপ্ৰিল মাহত পেনচিলভেনিয়াত মৃত্যু হয়। মৃত্যুৰ সময়ত দুয়োৰে বয়স আছিল ৬২ বছৰ। গিনিজ ৱৰ্ল্ড ৰেকৰ্ডতো আটাইতকৈ বয়সীয়াল জীৱিত সংযুক্ত যমজ হিচাপে নাম অন্তৰ্ভুক্ত দুয়োৰে নাম।
৫০ বছৰ সম্পূৰ্ণ হোৱাৰ সময়ত এক সাক্ষাৎকাৰত ল’ৰীয়ে কৈছিল যে, ‘যেতিয়া দুয়োৰে জন্ম হৈছিল তেতিয়া চিকিৎসকে ভবা নাছিল যে দুয়ো ৩০ বছৰো জীয়াই থাকিব, কিন্তু সকলোকে ভুল প্ৰমাণ কৰি ৫০ বছৰ পাৰ কৰিছিল দুয়ো।
স্নাতক ডিগ্ৰীধাৰী ল’ৰি আৰু জৰ্জে কোনোদিনে নিজকে বিচ্ছিন্ন কৰাৰ কথা ভৱা নাছিল। এটা সময়ত লৰি প্ৰেমতো পৰিছিল। আঙুঠি পিন্ধোৱা পৰ্বও হৈ গৈছিল দুয়োৰে মাজত। পাছে এক মটৰ দুৰ্ঘটনাত লৰিৰ প্ৰেমিকৰ মৃত্যু হোৱাত অকলশৰেই থাকি যায় লৰি।
উল্লেখ্য যে, জন্মতে লৰিকো জৰ্জৰ দৰে ল’ৰা সন্তান বুলি ধৰা হৈছিল। পাছে ডাঙৰ হৈ অহাত হে জানিব পাৰে, ল’ৰি প্ৰকৃততে তৃতিয় লিংগৰ হে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
