অল ইণ্ডিয়া ৰেডিঅ’যোগে অসমীয়া নাটক প্ৰচাৰ হোৱাৰ ৭২ বছৰ পূৰ্ণ হ’ল।
“ধৰালৈ যিদিনা নামিব সৰগ” নাটকখন আছিল অল ইণ্ডিয়া ৰেডিঅ’ যোগে প্ৰচাৰ হোৱা প্ৰথম অসমীয়া অনাতাঁৰ নাটক।১৯৪৮চনৰ ৬ জুলাইত প্ৰচাৰ হৈছিল এই নাটকখন।স্বনামধন্য নাট্যশিল্পী সত্যপ্ৰসাদ বৰুৱাই ৰচনা কৰিছিল নাটকখন।
নাট্যশিল্পী, সাহিত্যিক সত্য প্ৰসাদ বৰুৱাই ১৯১৯ চনৰ ২৯ অক্টোবৰত মিজোৰামৰ আইজলত জন্মগ্ৰহণ কৰিছিল। সত্য প্ৰসাদ বৰুৱাৰ পিতৃ আছিল গুৰু প্ৰসাদ বৰুৱা আৰু মাতৃ পদ্মৰেখা বৰুৱা। ১৯৩৮ চনত কটন কলেজৰ পৰা অৰ্থনীতিত অনাৰ্চসহ স্নাতক ডিগ্ৰী লাভ কৰা সত্য প্ৰসাদ বৰুৱাই ওকালতিৰ শিক্ষা গ্ৰহণ কৰে। শিক্ষা শেষ কৰি আদালতলৈ যায়, যদিও ওকালতিৰ কামৰ পৰা বিদায় লয়। জীৱন জীৱিকাৰ কথা চিন্তা কৰি বৰুৱাই মাতৃৰ স্মৃতিত পদ্ম প্ৰকাশ নামেৰে এটি প্ৰকাশন প্ৰতিষ্ঠান মুকলি কৰে। উক্ত প্ৰতিষ্ঠানটোৰ পৰাই কেইবাখনো আপুৰুগীয়া গ্ৰন্থ প্ৰকাশ কৰি উলিয়ায়। ১৯৪৮ চনত বৰুৱাই অল ইণ্ডিয়া ৰেডিঅ’ত অনুষ্ঠান কাৰ্যবাহী হিচাপে যোগ দি চাকৰি জীৱনৰ পাতনি মেলে। ১৯৬৫ চনলৈকে ৰেডিঅ’ত কাম কৰি সেই বছৰতে অসম চৰকাৰ তথ্য আৰু জনসংযোগ বিভাগৰ যুটীয়া সঞ্চালক ৰূপে যোগদান কৰে। ১৯৭০ চনত বিভাগটোৰ সঞ্চালকৰ দায়িত্ব গ্ৰহণ কৰে। ১৯৭২ চনত সাংস্কৃতিক সঞ্চালকালয়ৰ প্ৰতিষ্ঠাপক সঞ্চালকৰূপে দায়িত্ব গ্ৰহণ কৰি ১৯৭৪ চনত চাকৰিৰ পৰা অৱসৰ লয়।
গুৱাহাটীৰ কুমাৰ ভাস্কৰ নাট্য মন্দিৰৰ লগত ওতপ্ৰোতভাৱে জড়িত আছিল সত্য প্ৰসাদ বৰুৱা। অসমীয়া ৰক্ষণশীল সমাজত নাৰীক পুৰুষৰ লগত অভিনয় কৰোৱাৰ ক্ষেত্ৰত বিশেষ ভূমিকা গ্ৰহণ কৰিছিল বৰুৱাই।তদুপৰি সাংবাদিক হিচাপে তেখেতে চাইক্ল’ৰমা নামৰ এটি শিতানত “দ্য আছাম ট্ৰিবিউন” কাকতত ১৯৭৬ চনৰ পৰা মৃত্যুৰ আগলৈকে নাটক সমালোচনা কৰে। লগতে দৈনিক অসম, দ্য নৰ্থ-ইষ্ট ক্লেৰিয়ন, নতুন দৈনিক, আজিৰ অসম, প্ৰকাশ, দৈনিক জনমভূমি আৰু বিভিন্ন আলোচনীত বিভিন্ন সাংস্কৃতিক দিশত আলোকপাত কৰে।তেখেতে পাঁচশখনতকৈ অধিক অনাতাঁৰ নাটকত অংশগ্ৰহণ কৰিছিল। সত্যপ্ৰসাদ বৰুৱাই লিখা “ধৰালৈ যিদিনা নামিব সৰগ” নাটকখন আছিল অল ইণ্ডিয়া ৰেডিঅ’ যোগে প্ৰচাৰ হোৱা প্ৰথম অসমীয়া অনাতাঁৰ নাটক।১৯৪৮চনৰ ৬ জুলাইত প্ৰচাৰ হৈছিল এই নাটকখন।
তেখেত সংস্কৃত, প্ৰাকৃত আদি প্ৰাচীন ভাৰতীয় ভাষাৰ নাটসমূহৰ উপৰিও বাংলা, পঞ্জাবী, হিন্দী আদি ভালেসংখ্যক ভাৰতীয় আধুনিক ভাষাৰ নাটক অধ্যয়ন কৰিছিল। সেইসমূহৰ বিষয়ে সত্য প্ৰসাদ বৰুৱাই গ্ৰন্থ, প্ৰবন্ধ ৰচনা কৰি অসমীয়া নাট্য সাহিত্যৰ ভৰাঁল চহকী কৰি থৈ গৈছে। তদুপৰি তেওঁ গ্ৰীক, নৰৱেজিয়ান, ইংৰাজী, ৰুছ আদি ভাষাৰ নাটক অসমীয়ালৈ অনুবাদ কৰি নাট্যপ্ৰেমীক উপকৃত কৰিছিল। ১৯৭৮ চনত তেখেতে ইডিপাছ নাটকত কৰা অভিনয়ৰ বাবে সৰ্বভাৰতীয় সমালোচক সংস্থাৰ “শ্ৰেষ্ঠ অভিনেতা বঁটা” লাভ কৰিছিল।
প্ৰায় ছটা দশক ধৰি অসমৰ নাট্য জগতখনৰ সৈতে নিবিড়ভাবে জড়িত অসমৰ আধুনিক নাট্য আন্দোলনৰ পিতৃ স্বৰূপ নাট্যপ্ৰভাকৰ সত্য প্ৰসাদ বৰুৱাৰ ২০০১ চনৰ ২৬ জুনত জীৱন নাটৰ সামৰণি পৰে।
সত্যপ্ৰসাদ বৰুৱাৰ সাংস্কৃতিক কৰ্মৰাজি
পূৰ্ণাংগ নাটক
চাকৈচকোৱা (১৯৪০)
শিখা (১৯৫৭)
জ্যোতি-ৰেখা (১৯৫৮)
জবালা (১৯৭৬)
নায়িকা নাট্যকাৰ (১৯৭৬)
মৃণালমাহী (১৯৭৭)
দেবা: নজানন্তী (১৯৮৬)
ক্ৰছ ফায়াৰ Cross Fire (১৯৮৪)
চুটি নাট/ একাংক সংকলন
চুটি নাট সংকলন (১৯৫৭)
আনাৰকলি
কুণাল কাঞ্চন
ৰাণাদিল
শাশ্বতী (১৯৬৬)
ভাস্বতী
দুপৰনিশা
উল্লেখযোগ্য যে ভাস্বতীখন ভাৰতৰ সকলো ভাষালৈ অনুবাদ কৰাৰ বাবে নেচনেল বুক ট্ৰাষ্টে গ্ৰহণ কৰিছে।
নাটিকা
আশা
কল্পনাৰ মৃত্যু
ধৰালৈ যিদিনা নামিব সৰগ
ওভাৰকোট
অন্তিম সংগীত
বৰাহ-মিহিৰ
সংলাপ-বিহিন কাৰ্য।
উপন্যাস/গল্প/কবিতা
অনাগত (১৯৫৮)
আকৌ যাত্ৰা আৰম্ভ কৰো (১৯৯২)
ছোভিয়েট কবিতাত লেলিন (১৯৮৭)
মননশীল ৰচনা
পোহৰ প্ৰয়াসী মন (১৯৯২)
পূৰ্ণাংগ নাট অনুবাদ/অভিযোজনা/ৰূপান্তৰ
বনহংসী(১৯৬১)
ৰজা ইডিপাছ (১৯৬৪)
অ’থেলো (১৯৭৪)
মেকবেথ (১৯৮০)
তিনিখন পঞ্জাবী পূৰ্ণাঙ্গ নাটক (১৯৮৬)
সাগৰ চিলনী (১৯৯০)
এণ্টিগনি (১৯৯২)
দ্যা এনিমি অৱ দ্যা পিপ’ল
মঞ্চতত্ত্ব
নাটক আৰু অভিনয় প্ৰসংগ (গুৱাহাটী আৰু ডিব্ৰুগড় বিশ্ববিদ্যালয়ৰ অসমীয়া বিষয়ৰ অনাৰ্ছৰ আনুমোদিত পুথি)
নাট্যকাৰ ৰবিন্দ্ৰনাথ (১৯৬৫)
মঞ্চপ্ৰতিভা (১৯৮০)
বাৰটোলট্ ব্ৰেখট (১৯৮০)
আধুনিক নাট চিন্তা (১৯৮৮)
অসমীয়া নাটকত দেশপ্ৰেম
কিশোৰ আৰু শিশু সাহিত্য
পঞ্জাবৰ লোককথা
আমাৰ নৌসেনা
হাবিৰ এই ঘুলিটো।
বিবিধ সম্পাদনা
বিশ্ববিখ্যাত চুটি গল্প নটা-পদ্মপ্ৰকাশ
জ্যোতিপ্ৰসাদ ৰচনাৱলী (সম্পাদক মণ্ডলীৰ সদস্য)
প্ৰকাশন পৰিষদৰ প্ৰকাশ, নামৰ আলোচনী খনৰ সম্পাদক মণ্ডলীৰ সদস্য
সাহিত্য অকাডেমীৰ হৈ ২৫খন একাংক নাটৰ সম্পাদনা
বিবিধ ৰচনা: সংবাদ সেৱা
অন্তিম সংগীত
বৰাহ-মিহিৰ
সংলাপ-বিহিন কাৰ্য।
উপন্যাস/গল্প/কবিতা
অনাগত (১৯৫৮)
আকৌ যাত্ৰা আৰম্ভ কৰো (১৯৯২)
ছোভিয়েট কবিতাত লেলিন (১৯৮৭)
মননশীল ৰচনা
সুন্দৰ সেৱী সংঘ (১৯৩৫)
শৌভিক (১৯৬৮)
থিয়েটাৰ ফাউণ্ডেচন (১৯৯৪)
সন্মান আৰু পদবী
১৯৭৮ চনত নাট্যপ্ৰভাকৰ উপাধি শৌভিক গোষ্ঠীৰ দ্বাৰা
১৯৯৩ শংকৰদেৱ বঁটা: অসম চৰকাৰৰ দ্বাৰা
১৯৮৬ চনত সংগীত নাটক অকাডেমী বঁটা: ভাৰত চৰকাৰ, সংগীত নাটক অকাডেমী
১৯৭৫ অসম সাহিত্য সভাৰ তিতাবৰ অধিৱেশনৰ সংগীত অধিৱেশনৰ সভাপতি
১৯৭৮ চনত বিশিষ্ট সাহিত্যিক পেঞ্চন তথা কলিকতাৰ অল ইণ্ডিয়া ক্ৰিটিক এছ’চিয়েচনৰ দ্বাৰা ৰজা ইডিপাছ চৰিত্ৰ ৰূপায়ণৰ বাবে শ্ৰেষ্ঠ অভিনেতাৰ সন্মান।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
