অসম লাইভ২৪ঃ কিডনী বা বৃক্কজনিত ৰোগ প্ৰায়সকল লোকৰেই এক প্ৰধান সমস্যা হৈ ধৰা দিছে৷ শৰীৰৰ প্ৰধান অংগসমূহৰ ভিতৰত এটা হৈছে বৃক্ক৷ শৰীৰৰ বৰ্জিত পদাৰ্থ বাহিৰ কৰাত বৃক্কই বিশেষ ভূমিকা গ্ৰহণ কৰে৷ ইয়াৰোপৰি বিভিন্ন হৰমন শৰীৰত তৈয়াৰ কৰাৰ পৰা প্ৰেছাৰ নিয়ন্ত্ৰণলৈ সকলোবোৰেই বৃক্কৰ সৈতে সংপৃক্ত হৈ আছে৷ আমি কৰা কিছু ভুলৰ বাবেই বৃক্কৰ ৰোগে দেখা দিয়ে৷ খাদ্যভাষৰ বেমেজালিয়েই বিশেষভাৱে বৃক্কক ক্ষতিগ্ৰস্থ কৰে৷ দেখা যায় যে কিডনী ষ্ট’ন ৰোৱা ৰোগীৰ সংখ্যা বহুপৰিমানে বৃদ্ধি পাইছে৷ এই সমস্যাক বৰ্তমান এক সাধাৰণ বেমাৰেই হৈ পৰা বুলি ক’ব পাৰি৷ বৃক্কত হোৱা ষ্ট’নৰ বাবে চিকিৎসকেও চেনী, পটাছিয়াম, ছডিয়াম, ফছফৰাছ সমৃদ্ধ খাদ্য খোৱাত বাধা আৰোপ কৰে৷
এই ৰোগত কিডনীত কিছু গোটা বৰ্জিত পদাৰ্থ জমা হয়৷ এই জমা হোৱা গোটা পদাৰ্থই প্ৰস্ৰাৱৰ সৈতে বাহিৰলৈ ওলাই নাহে৷ জমা হৈ থকা এই পদাৰ্থসমূহেই পাছলৈ জটিলতাৰ সৃষ্টি কৰে৷ এই ৰোগত আক্ৰান্ত ব্যক্তিৰ প্ৰাথমিক লক্ষণেই হৈছে তলপেটৰ বিষ৷ বমি বমি ভাৱ অহা আদি৷ খাদ্যভাষ স্বাস্থ্যসন্মত হ’লেই কিন্তু এই ৰোগৰ পৰা বহুপৰিমানে উপশম পাব পাৰি৷ কিডনী ষ্ট’ন হোৱা ব্যক্তিয়ে কেনেধৰণৰ খাদ্য সেৱন নকৰিব?
কৰ্দৈ বা ৰহদৈ
এনছিবিআইৰ ৰিপৰ্টমতে কৰ্দৈ বা ৰহদৈ এবিধ ঔষধী গুণ সমৃদ্ধ খাদ্য৷ কৰ্দৈ বহু ভিটামিন আৰু খনিজেৰে ভৰপুৰ এবিধ ফল৷ কিন্তু এই ফল কিডনীৰ অসুবিধা থকা ৰোগীৰ বাবে ভয়ংকৰ৷ নেফ্ৰটক্সিটিছিটি আৰু একিউট কিডনী ডিজিজৰ বাবে এই ফল অপকাৰী৷ কিডনী যিকোনো ৰোগ থাকিলে কৰ্দৈ পৰাপক্ষত নাখাব৷
কল
কল স্বাস্থ্যৰ বাবে উপকাৰী এবিধ ফল৷ ভিটামিন, মিনাৰেলৰ ওপৰিও পৰ্যাপ্ত পৰিমানে কেলৰী থাকে কলত৷ এই ফল এজন সুস্থ ব্যক্তিয়ে নিয়মিতভাৱেই সেৱন কৰিব পাৰে৷ কিন্তু কিডনী ষ্ট’ন থকা ব্যক্তিৰ বাবে কল অতি মাৰাত্মক৷ কিয়নো কলত বহু পৰিমানে পটাছিয়াম থাকে৷ সেয়ে কিডনীৰ ৰোগীয়ে কল খোৱাৰ পৰা বিৰত থাকিব৷
কমলা
শীতকালত উপলব্ধ এবিধ লোভনীয় ফলেই হৈছে কমলা৷ জাৰৰ দিনত কাঁহ বা জ্বৰ আদি সমস্যা হ’ব পাৰে বুলি বহুতেই কল খাবলৈ ভয় কৰে৷ কিন্তু কমলাটো এনে বহু উপাদান থাকে যিসমূহ আমাৰ শৰীৰৰ বাবে খুবেই উপকাৰী৷ কমলাত বহুপৰিমানে এণ্টি অক্সিডেণ্ট, ভিটামিন আৰু খনিজ থাকে৷ এইসমূহ উপাদান সাধাৰণ মানুহৰ বাবে উপকাৰী হ’লেও কিডনী ষ্ট’ন থকা ৰোগীৰ বাবে ভয়াৱহ৷ কমলাত প্ৰচুৰ পৰিমানে পটাছিয়াম থকাৰ বাবে ই কিডনীত পাথৰ হোৱা ৰোগীৰ বাবে মাৰাত্মক হৈ পৰে৷
কিউৱী
কিউৱীতো অক্সালেট আৰু পটাছিয়াম থাকে৷ সেয়ে কিডনী ষ্ট’নৰ বাবে ই অতি অপকাৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
