অসম লাইভ২৪ঃ নিষিদ্ধ সংগঠন পিএফআইৰ সৈতে বজৰং দলো একেই বুলি মন্তব্য কৰিছে কংগ্ৰেছ দলে৷ কৰ্ণাটকত ক্ষমতালৈ আহিলেই বজৰং দলক সম্পূৰ্ণৰূপে নিষিদ্ধ কৰা হ’ব বুলি প্ৰতিশ্ৰুতি দিছে কংগ্ৰেছে৷ কংগ্ৰেছৰ ৰাজনৈতিক ইস্তাহাৰতো এই কথা উল্লেখ আছে৷ বিধানসভা নিৰ্বাচনৰ পূৰ্বে কৰ্ণাটকত এই কথা ঘোষণা কৰিছে কংগ্ৰেছ দলৰ বিষয়ববীয়াসকলে৷
ইয়াৰোপৰি পপুলাৰ ফ্ৰণ্ট অফ ইণ্ডিয়া আৰু বজৰং দলৰ দৰে একাধিক সংগঠনক নিষিদ্ধ কৰা হ’ব ঘোষণা কৰিছে কংগ্ৰেছ দলে৷ ইস্তাহাৰত লিখা অনুসৰি, ‘আইন আৰু সংবিধান গুৰুত্বপূৰ্ণ৷ কোনো ব্যক্তি পিএফআই, বজৰং দলৰ দৰে সংগঠনে ঘৃণা বিয়পাইছে৷ হিংসা বা জাতপাতৰ ভেদাভেদ আনিছে৷ সেয়ে এই সংগঠনসমূহৰ বিৰুদ্ধে ব্যৱস্থা গ্ৰহণ কৰা হ’ব৷ ক্ষমতাত আহিলে সেয়ে এইসমূহ সংগঠনক নিষিদ্ধ ঘোষণা কৰা হ’ব৷
উল্লেখ্য যে যুৱসমাজ আৰু মহিলাক এইবাৰ বিশেষভাৱে টাৰ্গেট কৰি লৈছে কংগ্ৰেছ দলেও৷ গৃহলক্ষ্মী আৰু যুৱনিধি আচনি অনাৰ কথাও প্ৰকাশ কৰিছে দলটোৱে৷ কংগ্ৰেছ ক্ষমতালৈ আহিলে মন্ত্ৰীসভাৰ প্ৰথম বৈঠকত মহিলাসকলক প্ৰতি মাহে ২ হাজাৰ আৰু স্নাতকসকলক প্ৰতিমাহে ৩ হাজাৰ আৰু ডিপ্লমাপ্ৰাপ্তসকলক ১ হাজাৰ ৫০০ টকা দিয়াৰো সিদ্ধান্ত লোৱা হ’ব৷ ইয়াৰোপৰি ২০০ ইউনিট ফ্ৰী বিজুলিও যোগান ধৰা হ’ব বুলি কংগ্ৰেছে প্ৰতিশ্ৰুতি দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
