অসম লাইভ ২৪ঃ ক’ৰোনা ভাইৰাছে সমগ্ৰ বিশ্বতে সৃষ্টি কৰিছে ত্ৰাসৰ। সকলোৱেই অধিৰ আগ্ৰহেৰে বাট চাই আছে ক’ৰোনা ভেকচিনলৈ। আনহাতে সকলো জল্পনা-কল্পনা ওৰ পেলাই ভাৰতে প্ৰস্তুত কৰি উলিয়ালে কোভিড ভেকচিন। ১৬ জানুৱাৰীৰ পৰা ভাৰতত আৰম্ভ হ’ব কোভিড ভেকচিন প্ৰদান প্ৰক্ৰিয়া। যাৰ বাবে ইতিমধ্যেই মঙলবাৰে ৰাজ্যসমূহলৈ প্ৰেৰণ কৰা হৈছে কোভিড ভেকচিন। পিছে কোভিড ভেকচিনৰ বাকচৰ ওপৰত লিখা এশাৰী বাক্যই এতিয়া দৃষ্টি আকৰ্ষণ কৰিছে সকলোৰে। সেই বিশেষ বাক্যশাৰী হৈছে এটা সংস্কৃত শ্লোক- ‘सर्वे सन्तु निरामयाः’
সংস্কৃতৰ এই শ্লোকটোৰ অৰ্থ হৈছে ‘সকলো নিৰোগী হৈ থাকক’।
উল্লেখযোগ্য যে, বিশ্বৰ কেইবাখনো দেশে ভাৰতৰ কোভিড ভেকচিন বিচাৰি ইতিমধ্যে প্ৰধানমন্ত্ৰীলৈ পত্ৰ প্ৰেৰণ কৰিছে। ইয়াৰ ভিতৰত ব্ৰাজিলৰ ৰাষ্ট্ৰপতিয়ে ২ মিলিয়ন কোভিড ভেকচিন খৰতকীয়াকৈ ব্ৰাজিললৈ পঠিয়াবলৈ অনুৰোধ জনাইছে প্ৰধানমন্ত্ৰী নৰেন্দ্ৰ মোদীক। অৱশ্যে ভাৰতে প্ৰথম পৰ্যায়ত নিজৰ চুবুৰীয়া দেশসমূহকহে এই ভেকচিন যোগান ধৰিব। সেই দেশ কেইখন হৈছে নেপাল, বাংলাদেশ, ভূটান, ম্যানমাৰ, মালদ্বীপ আৰু শ্ৰীলংকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
