অসম লাইভ২৪ঃ ২০১২ চনৰ পূৰ্বে বিৰাট কোহলিৰ জীৱন অন্যধৰণৰ আছিল। খেলাৰ উপৰিও পাৰ্টী, টেটুক লৈয়েই ব্যস্ত থাকে বিৰাট। কিন্তু ২০১২ চনৰ পাছত নিজৰ ফিটনেছক লৈ কঠোৰ পৰিশ্ৰম কৰিছে বিৰাটে। নিজকে সলনি কৰিছে বিৰাটে। ২০১২চনৰ পূৰ্বে বিৰাটৰ কেৰিয়াৰৰ এটা গোপন কথা এটা সাক্ষাৎকাৰত প্ৰকাশ কৰিছে ইশান্ত শৰ্মাই।
দিল্লীৰ হৈ ১৭ অনুৰ্ধ্বত খেলি আহিছে বিৰাটে। অনূৰ্ধ্ব ১৯ ৰ এখন মেচৰ কথা প্ৰকাশ কৰিছে ইশান্তে। ইশান্তে বিৰাট প্ৰসংগত কয়, ‘আমি তেতিয়া ১৯ অনূৰ্ধ্বৰ মেচ খেলি আছিলো। বিৰাট তেতিয়াও অন্যতম এজন খেলুৱৈয়ে আছিল। পিছদিনাও গুৰুত্বপূৰ্ণ এখন মেচ আছিল। বিৰাটে তাৰ আগদিনা নিশা কিন্তু একেবাৰেই টোপনি মৰা নাছিল। গোটেই নিশা পাৰ্টী কৰি পিছদিনা খেলত নামিছিল বিৰাট। নিশা অকণো টোপনি নোযোৱাকৈ পিছদিনাৰ খেল ২৫০ ৰান ল’বলৈ সক্ষম হৈছিল। আমি তাৰ খেল দেখি অবাক হৈছিলো। বিৰাটৰ শক্তিক সেইদিনাই আমি স্বীকাৰ কৰিছিলো।’
বিৰাটৰ জীৱনৰ বহু উত্থান পতনৰ সাক্ষী ইশান্ত। বিৰাটে নিজকে কেনেদৰে সলনি কৰিছে সেই সম্পৰ্কেও ইশান্তে কয়,’বিৰাটে নিজকে বহু সলনি কৰিছে। মই তাৰ কষ্ট দেখিছো। ২০১২ৰ পাছৰে পৰা বিৰাটে শৰীৰৰ যত্ন ল’বলৈ আৰম্ভ কৰিছে। বিশ্বকাপৰ পাছত ডায়েটৰ নজৰ দিয়া, শৰীৰ চৰ্চা কৰা আদি কামসমূহ বিৰাটে আৰম্ভ কৰিছে। বৰ্তমান বিৰাট অন্যতম ফিট ক্ৰিকেটাৰ।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
