তিনিদিন পাছত গাড়ী ঘূৰাই দিম বুলি চোৰে প্ৰতিশ্ৰুতি দিছিল! দুদিন পাছতেই আৰক্ষীয়ে খেদি খেদি কৰায়ত্ত কৰিলে চোৰ পিংকুক

অসম লাইভ২৪ঃ দুদিন পূৰ্বে মঙলদৈত চুৰি হৈছিল এখন বাহন৷ গাড়ী চোৰে গাড়ীখন চুৰি কৰি নিওতেই লিখি থৈ গৈছিল,‘আৰক্ষীক নজনাব, তিনিদিনৰ পাছত গাড়ী ঘূৰাই দিম৷’ সেই চুৰি কৰা বিশেষ গাড়ীখন অৱশেষত গৰাকীয়ে ওভতাই পাবলৈ সক্ষম হৈছে৷

অন কেমেৰা আৰক্ষীয়ে গ্ৰেপ্তাৰ কৰিলে চোৰক৷ মঙলদৈৰ পথত খেদি খেদি আৰক্ষীয়ে গ্ৰেপ্তাৰ কৰিছে চোৰ পিংকুক৷ আগে আগে চোৰ পিছে পিছে পুলিছ৷ আৰক্ষীয়ে খেদি খেদি চিয়ৰিছে, ‘ঐ ৰাখ ঐ তাক ৰাখ ঐ, ঐ চোৰ চোৰ চোৰ…৷’

ব্ৰেজা গাড়ীৰ পিছে পিছে চোঁচা লৈ আৰক্ষীয়ে ধৰিছে চোৰ পিংকুক৷ ছিপাঝাৰত আৰক্ষীয়ে ধৰিবলৈ সক্ষম হয় গাড়ী চোৰ পিংকুক৷ চোৰক খেদি খেদি কৰায়ত্ত কৰাৰ সমত কেইবাগৰাকীও আৰক্ষী গুৰুতৰভাৱে আঘাতপ্ৰাপ্ত হৈছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ