অসম লাইভ২৪ঃ গেংষ্টাৰ তথা ৰাজনীতিক আতিক আহমেদ দুৰ্বৃত্তৰ গুলীত নিহত হোৱাৰ পাছতেই এতিয়া আতিকৰ ভুমি চৰকাৰে দখল কৰিছে। আতিকৰ সেই ভূমিত চৰকাৰে নিৰ্মাণ কৰিব প্ৰধানমন্ত্ৰী আৱাস যোজনাৰ ঘৰ। উত্তৰপ্ৰদেশৰ প্ৰয়াগৰাজৰ লুকাৰগঞ্জ এলেকাত আতিক আৰু তেওঁৰ সহযোগীৰ দখলত থকা প্ৰায় ১৭৩১ বৰ্গ মিটাৰ ভূমি পুনৰুদ্ধাৰ কৰিছে কৰিছে উত্তৰপ্ৰদেশ চৰকাৰে। উত্তৰ প্ৰদেশ প্ৰশাসনে সেই ভূমিত দৰিদ্ৰ সীমাৰেখাৰ তলৰ লোকৰ বাবে গৃহ নিৰ্মাণ কৰিব।
পৰবৰ্তী বাজেট অধিৱেশনৰ পূৰ্বেই প্ৰশাসনে এই কাম শেষ কৰিব বুলিও জনাইছে। প্ৰয়াগৰাজ উন্নয়ন সচিব অজিত কুমাৰ সিংহই জনোৱা অনুসৰি এই বিশেষ আৱাসসমূহত প্ৰায় ৭৬ টা পৰিয়াল থাকিব পাৰিব। প্রাথমিকভাৱে এটা ব্লকত ৩৬ টা ঘৰ নিৰ্মাণ কৰা হৈছে। আনটো ব্লকত আৰু ৪০ টা ঘৰ নিৰ্মাণ কৰা হ’ব। ইতিমধ্যে এই বাসগৃহৰ বাবে ৬০০০ দৰিদ্ৰ লোকে আৱেদনো কৰিছে। ৬০০০ আৱেদনকাৰীৰ ৭৬ টা পৰিয়ালক বাছনি কৰি বাসগৃহ প্ৰদান কৰিব যোগী চৰকাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
