অসম লাইভ২৪ঃ কৰ্ণাটকত এইবাৰ বিজেপিৰ পতন৷ মেজিক নম্বৰ পাৰ কৰি কংগ্ৰেছ আগবাঢ়িছে বিজয়ৰ দিশেৰে৷ শেহতীয়া খবৰ অনুসৰি বৰ্তমানলৈ কংগ্ৰেছ দল ১৩৩ খন আসনত আগবাঢ়ি আছে৷ ভোটৰ জটিল অংকৰ মাজতেই কৰ্ণাটকৰ বিজেপি কাৰ্যালয়ত ঘটিল আন এক অঘটন৷ শনিবাৰে BJPক কেম্প অফিচত এডাল সাপ সোমাই৷ সাপ সোমোৱাৰ ভিডিঅ’ ইতিমধ্যে ভাইৰেল হৈ পৰিছে৷
নিৰ্বাচনী ফলাফল ঘোষণাৰ দিনাই বিজেপি অফিচত বহু মানুহ গোট খাইছিল৷ সাপ দেখিয়েই কাৰ্যালয়ত সৃষ্টি হয় আতংকময় পৰিবেশৰ৷ গেৰুৱা শিবিৰৰ কেম্পত হুলস্থুলীয়া পৰিবেশৰ সৃষ্টি হয়৷ লগে লগেই সেই স্থানত আৰক্ষী উপস্থিত হৈ বনবিভাগৰ লোকক খবৰ দিয়ে৷ বনবিভাগে সাপটো উদ্ধাৰ কৰি পৰিস্থিতি নিয়ন্ত্ৰণলৈ আনিছে৷
উল্লেখ্য যে কৰ্ণাটকৰ ছিগগাওঁতেই আছে বিজেপিৰ ৰাজ্যিক অফিচ৷ ছিগগাওঁ আসনলৈ দৃষ্টি ৰাখিছে দেশৰ সমূহ জনতাই কাৰণ তাত বিজেপিৰ হৈ ভোটযুদ্ধত নামিছে মুখ্যমন্ত্ৰী বাসৱৰাজ বোম্মাই৷ ইপিনে সেই সমষ্টিত কংগ্ৰেছৰ ইয়াছিক আহমেজ খান পাঠানে প্ৰতিদ্বন্দিতা আগবঢ়াইছিল৷ ইতিমধ্যে বিজেপিক লজ্জাৰ পাৰ মুক্ত কৰি সেই সমষ্টিটোত বুম্মাইয়ে জয়লাভ কৰিবলৈ সক্ষম হৈছে৷ কৰ্ণাটক বিধানসভা নিৰ্বাচনৰ মুঠ আসন হৈছে ২২৪ খন৷ মেজিক নম্বৰ হৈছে ১১৩৷ কংগ্ৰেছে মেজিক নম্বৰ অতিক্ৰম কৰিছে৷
ইতিমধ্যে ৰিজাল্ট ঘোষণা নহ’লেও কংগ্ৰেছৰ জয় নিশ্চিত হৈ পৰিছে৷ ইতিমধ্যে ৰাহুল গান্ধীয়েও মন্তব্য প্ৰকাশ কৰিছে৷ ঘৃণাৰ বজাৰত প্ৰেমৰ দোকান খুলিবলৈ কংগ্ৰেছ সাজু হৈছে৷ এই যাত্ৰা সমগ্ৰ দেশলৈ বিয়পি পৰিব৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
