অসম লাইভ ২৪ঃ পৃথিৱীত ঘটা কিছুমান আজব ঘটনাই প্ৰায়ে সংবাদ শিৰোনাম দখল কৰা দেখা যায়। এই আজব ঘটনাসমূহ কিয় সংঘটিত হয় ইয়াৰ অন্তৰালত কি কাৰণ থাকে সেয়া প্ৰায়ে ৰহস্যঘন হৈ থাকে। ঠিক তেনে এটা ঘটনাই সংঘটিত হ’ল বিহাৰৰ ৰাজধানী পাটনাত। সৌৰভ নামৰ এজন ১৭ বছৰীয়া যুৱকৰ মৃত্যু হয় হাস্পতালত। পৰিয়ালৰ লোকে মৃতদেহটো চমজি লৈ ঘৰলৈ লৈ আনে। প্ৰস্তুতি চলায় মৃতদেহ অন্তিম সংস্কাৰৰ বাবে। পুত্ৰৰ মৃত্যুত হুকহুকাই কান্দি আছিল মাতৃ। কিন্তু হঠাতে এটা আচৰিত ঘটনা ঘটিল। মৃতদেহৰ আঙুলিবোৰ লৰচৰ কৰিবলৈ আৰম্ভ কৰিলে। ৩ দিন ধৰি ক’মাত থকা সৌৰভে হঠাৎ চকুমেলি চালে। খবৰ ৰাষ্ট্ৰ হোৱা মাত্ৰকে সকলোতে চাঞ্চল্যৰ সৃষ্টি হয়। উল্লেখ্য যে বাইক দুৰ্ঘটনাত আঘাতপ্ৰাপ্ত হৈ সৌৰভক পাটনাৰ এখন ব্যক্তিগত চিকিৎসালয়ত ভৰ্তি কৰোৱা হৈছিল। ৩ দিন ধৰি ক’মাত থকাৰ পাছত মৃত ঘোষণা কৰা হৈছিল সৌৰভ নামৰ যুৱকজনক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
