অসম লাইভ ২৪ঃ অন্ত পৰিল ২০২০ বৰ্ষ। ২০২০ৰ অভিশপ্ত অধ্যায় সামৰি আগমন ঘটিল ২০২১ৰ। ২০২১ বৰ্ষটো কেনেদৰে পাৰ হ’ব? সকলোৱে আশা কৰিছে শান্তি ঘূৰি আহক পৃথিৱীলৈ। কিন্তু আপুনি আশা কৰা ধৰণে ’২১ বৰ্ষটো আপোনাৰ বাবে সুখকৰ নহ’ব! এই ভৱিষ্যদ্বাণী কৰি থৈ গৈছে ফৰাছী দাৰ্শনিক নস্ত্ৰাদামুচে। তেওঁৰ জীৱনকালত ২০২১ বৰ্ষক লৈ তেওঁ কৰি গৈছে ভৱিষ্যদ্বাণী। কি ভৱিষ্যদ্বাণী ফৰাছী দাৰ্শনিক নস্ত্ৰাদামুচৰ? বিশ্ববিখ্যাত এইগৰাকী দাৰ্শনিকে ২০২১ বৰ্ষ সম্পৰ্কে কৈছে- এই বৰ্ষটোত সমগ্ৰ বিশ্ব বিপৰ্যয়ৰ সন্মুখীন হ’ব। এফালে মহাযুদ্ধৰ আশংকা, আনফালে পৃথিৱীৰ ওপৰত পৰিব এটা গ্ৰহাণু। ২০২১ত তৃতীয় বিশ্বযুদ্ধৰ সূচনা হ’ব। পৃথিৱীৰ ৰাজনৈতিক প্ৰেক্ষাপট সম্পৰ্কে তেওঁ কৈ গৈছে ২০২১ত ব্ৰিটেইনে সমগ্ৰ বিশ্বক প্ৰতিনিধিত্ব কৰিব। মহাকাশ বিদ্যা সম্পৰ্কে তেওঁৰ ভৱিষ্যদ্বাণী- ২০২১ত পৃথিৱীৰ ওপৰত পৰিব এটা গ্ৰহাণু। পৃথিৱীৰ কক্ষপথত প্ৰৱেশ কৰিব গ্ৰহাণুটো। যাৰ ফলত ভূমিকম্পৰ দৰে ভয়াৱহ বিপৰ্যয়ৰ সন্মুখীন হ’ব সমগ্ৰ বিশ্ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
