অসম লাইভ২৪ঃ পাকিস্তানৰ সীমা হাইদৰ আৰু গ্ৰেটাৰ নয়ডাৰ শচীন মীনাৰ প্ৰেমকাহিনীৰ গল্প এতিয়া দেশত অন্যতম চৰ্টিত বিষয় হৈ পৰাৰ সময়তেই আন এক ঘটনা। সীমাৰ দৰেই আন এগৰাকী নাৰী উত্তৰপ্ৰদেশলৈ আহিছে। সীমাৰ দৰেই জুলিও আহিছিল প্ৰেমৰ টানত। লগত ১১ বছৰীয়া কন্যা। উত্তৰপ্ৰদেশৰ মুৰাদাবাদৰ বাসিন্দা অজয়ৰ সৈতে ফোনযোগে পৰিচিত হৈ বাংলাদেশৰ পৰা পলাই আহিছিল জুলি।
ফোনযোগেই অজয়ৰ সৈতে চিনাকী। পোনতে দুয়োৰে মাজত বাৰ্তালাপ তাৰপাছত ধীৰে ধীৰে প্ৰেম। প্ৰেমৰ টানতেই বাংলাদেশৰ পৰা ১১ বছৰীয়া কন্যাক লৈ ভাৰতত উপস্থিত হয় জুলি। ভাৰতলৈ আহিয়েই অজয়ৰ বাবেই জুলিয়ে সলনি কৰে ধৰ্ম। ধৰ্ম সলনি কৰি বিবাহপাশত আৱদ্ধ হয় অজয় আৰু জুলি। কিন্তু জুলি বেছিদিন ভাৰতত নাথাকিল। বিবাহৰ কিছুদিন পাছতেই জুলিয়ে ভিছাৰ ম্যাদ শেষ হোৱা বুলি বাংলাদেশলৈ উভটি যায়। অজয়ৰ মাতৃয়ে এই সন্দৰ্ভত কয় যে, ভিছা শেষ হোৱাৰ বাবে জুলি বাংলাদেশলৈ গৈছিল। কিন্তু এবছৰ পাছতো বাংলাদেশৰ পৰা উভতি অহা নাই জুলি। জুলিৰ স্বামী অজয়ে ভাৰত-বাংলাদেশৰ সীমান্তলৈ গৈ এজেণ্টৰ মাধ্যমেৰে বাংলাদেশত সোমায়। তাত প্ৰৱেশ কৰি জুলিৰ সন্ধানত নামে যদিও জুলিক বিচাৰি নাপালে অজয়ে। ইফালে বাংলাদেশলৈ গৈ অজয়ো আৰু দেশলৈ উভতি অহা নাই। মুৰাদাবাদ আৰক্ষীৰ দ্বাৰস্ত হৈছে এতিয়া অজয়ৰ মাতৃ।
মাতৃৰ অভিযোগৰ পাছতেই আৰক্ষীয়ে বিষয়টোক লৈ আৰম্ভ কৰিছে তদন্ত। ছাইবাৰ শাখাইয়ো মোবাইল ফোন ট্ৰেকৰ সম্পূৰ্ণ চেষ্টা চলাইছে। জুলি প্ৰকৃততে কত আছে জুলিৰো সন্ধান উলিয়াবলৈ চেষ্টা কৰিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
