অসম লাইভ২৪ঃ তাৰকা দম্পত্তি ৰামচৰণ আৰু উপাসনাৰ কোলালৈ আহিছে প্ৰথম সন্তান। ৰামচৰণ আৰু উপাসনাৰ কোলালৈ আহিছে এগৰাকী কন্যা সন্তান। ৰামচৰণ আৰু উপাসনাৰ কন্যাৰ নাম দিয়া হৈছে ক্লিন কাৰা কোনিদেলা। বহুতৰেই মনত প্ৰশ্ন ক্লিন কাৰাৰ অৰ্থ কি? অভিনেতাগৰাকীয়ে ইনষ্টাগ্ৰামত পোষ্ট কৰি কন্যাৰ নামৰ অৰ্থ জনাইছে। গভীৰ অৰ্থ আছে সেই নামৰ। নামটো ব্ৰহ্মাণ্ড পুৰাণৰ এটা অংশ। ৰামচৰণে উল্লেখ কৰামতে, মানুহৰ মাজত আধ্যাত্মিকভাৱ জাগ্ৰত কৰাটোকেই এই নামৰ জৰিয়তে বুজোৱা হয়।
ৰামচৰণৰ কন্যাৰ নামকৰণ অনুষ্ঠানত দক্ষিণী জগতৰ প্ৰায় সকলো অভিনেতা, প্ৰযোজক, পৰিচালকে নিমন্ত্ৰণ লাভ কৰিছিল। মুকেশ আম্বানী আৰু নীতা আম্বানীৰ পৰিয়ালেও এই অনুষ্ঠানত নিমন্ত্ৰণ লাভ কৰিছিল। মুকেশ আম্বানী এই অনুষ্ঠানত উপস্থিত নহ’লেও ৰামচৰণৰ সদ্যোজাত সন্তানলৈ উপহাৰত এখন সোনৰ ঝুলনা পঠিয়াইছে।
২০ জুনত কন্যা সন্তানৰ পিতৃ হৈছে ৰামচৰণ। ২০১২ চনত বিবাহপাশত আৱদ্ধ হৈছিল দক্ষিণৰ অভিনেতাগৰাকী। বিবাহৰ বহু বছৰ পাছতহে দুয়োৰে মাজলৈ আহিছে সন্তান। চিৰঞ্জীৱীৰ সন্তান ৰামচৰণৰ সম্পত্তিৰ দিশলৈ লক্ষ্য ৰাখিলে তেঁওৰ সন্তান সোনৰ ঝুলনাত ওমলাটো তেনেই সাধাৰণ কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
