অসম লাইভ২৪ঃ মঙলবাৰে নিশা প্ৰায় ১০ বাজি ১৫ মিনিটত অহা ভূমিকম্পই জোঁকাৰি গৈছে ভাৰত, পাকিস্তান আৰু আফগানিস্তানৰ বহুকেইখন চহৰ৷ এই ভূমিকম্পৰ তীব্ৰতা ৰিখটাৰ স্কেলত ৬.৬ বুলি প্ৰকাশ কৰিছে।
ভূমিকম্পৰ কেন্দ্ৰস্থল আছিল আফগানিস্তানৰ ফৈজাবাদৰ পৰা ১৩৩ কিলোমিটাৰ দূৰত্বত ভূগৰ্ভৰ ১৫৬ কিলোমিটাৰ তলত। এই ভূমিকম্পৰ ফলত পাকিস্তানত বৰ্তমানলৈ ৯জন লোকৰ মৃত্যু হৈছে। আহত হৈছে ৩০২ জন লোক। আনহাতে আফগানিস্তানত এই পৰ্যন্ত মৃত্যু হোৱা লোকৰ সংখ্য ২ জন। ভাৰতৰ দিল্লী, ৰাজস্থান, পঞ্জাৱ, মধ্যপ্ৰদেশ, উত্তৰ প্ৰদেশ, জম্মু-কাশ্মীৰক জোকাৰি যোৱা এই ভূমিকম্পৰ ফলত এই পৰ্যন্ত কোনো বিস্তৰ ক্ষতিৰ তথ্য পোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
