অসম লাইভ২৪ঃ
গোলাঘাটত উপস্থিত হৈ মুখ্যমন্ত্ৰী হিমন্ত বিশ্ব শৰ্মাৰ কেইবাটাও বৃহৎ ঘোষণা।
হস্ততাঁত দিৱসৰ দিনাই বোকাঘাটত ৫৬ কোটি টকাৰে হেণ্ডলুম ডেভেলপমেণ্ট প্ৰকল্পৰ আধাৰশীলা স্থাপন কৰে।
এই প্ৰকল্পৰ জৰিয়তে হাজাৰ হাজাৰ মহিলা উপকৃত হ’ব বুলিও উল্লেখ।
কাজিৰঙালৈ অহা দেশী বিদেশী পৰ্যটকে লাভ কৰিব পৰা ব্যৱস্থাও কৰিব বুলি ঘোষণা।
১০ কোটি টকাৰে বোকাঘাটত স্থাপন কৰা হৈছে অত্যাধুনিক ষ্টেডিয়াম।
এই ষ্টেডিয়াম আৰু উন্নতি কৰিবৰ বাবে ৫০ কোটি টকাৰ অনুমোদন মুখ্যমন্ত্ৰীৰ।
বোকাঘাটত থকা ক্ৰিকেট ষ্টেডিয়ামৰ হেলিপেড কাইলৈৰ ভিতৰতেই ভাঙি দিয়াৰ নিৰ্দেশ।
মিছন ইন্দ্ৰধনুছ নামৰ নতুন আঁচনীৰো উদ্ভোধন মুখ্যমন্ত্ৰীৰ।
এই মিছনৰ জৰিয়তে শিশুসকলক প্ৰতিষেধক দিয়া হ’ব।
অতুল বৰাৰ মনৰ ইচ্ছা পূৰণ কৰিবলৈকে সমগ্ৰ বিশ্বৰে চকু পৰাকৈ বিশেষ অনুষ্ঠান আয়োজন কৰা হ’ব।
ভাৰতৰ চিনিয়ৰ মহিলা ক্ৰিকেটত গৌৰৱ কঢ়িয়াই অনা উমা ছেত্ৰীক বিশেষ উপহাৰ।
১০ লাখ টকাৰ উপহাৰ প্ৰদানৰ কথা ভাষণতেই উল্লেখ মুখ্যমন্ত্ৰীৰ।
গোলাঘাটত আগৰ গছ উৎপাদনৰ লগত জড়িত সকলো কামতেই সহযোগিতা আগবঢ়াব ৰাজ্য চৰকাৰে।
অসম চৰকাৰে লোৱা ভাল সিদ্ধান্তৰ বাবেই ৰাজ্যৰ শিপিনীসকল উপকৃত হৈছে।
বাহিৰৰ পৰা অহা গামোছা ৰাজ্যত বিক্ৰি কৰিব নোৱাৰাৰ বাবে এইবাৰ ৰাজ্যৰ শিপিনীয়ে বোৱা গামোছা বিক্ৰী হৈছে।
ৰাজ্যত এতিয়াৰে পৰা বহিৰাগত মেখেলা-ছাদৰ বন্ধৰ ক্ষেত্ৰতো পদক্ষেপ ল’ব ৰাজ্য চৰকাৰে।
ৰাজ্যৰ শিপিনীয়ে বোৱা মেখেলা-ছাদৰ, আৰনাই, গামোছাহে বিক্ৰি হ’ব ৰাজ্যত।
ধান ক্ৰয় কৰাৰ দৰে ৰাজ্য চৰকাৰে অসমৰ শিপিনীয়ে বোৱা গামোছা ক্ৰয় কৰিব।
১০০ কোটি টকাৰে এই গামোছা ক্ৰয়ৰ কাম হাতত লৈছে অসম চৰকাৰে।
ৰাজ্যৰ শিপিনীক অৰ্থনৈতিক নিৰাপত্তা দিয়াৰ বাবেই এই সিদ্ধান্ত বুলিও উল্লেখ।
গোলাঘাটত থকা ৬৭ হাজাৰ শিপিনীক চৰকাৰী সকলো আঁচনি দিয়াৰো প্ৰতিশ্ৰুতি।
কাজিৰঙাত ৩২ কিঃমিঃ দীঘল এখন ফ্লাইঅভাৰ নিৰ্মাণৰ কথাও ঘোষণা।
গোলাঘাটৰ কমাৰগাওঁৰ পৰা গহপুৰ সংযোগী টানেল নিৰ্মাণৰ কথাও ঘোষণা।
৪০০০ হাজাৰ কোটি টকাৰে নিৰ্মাণ হ’ব এই সুৰংগ পথ।
ৰেচন কাৰ্ড নথকা লোকসকলক ৰেচন কাৰ্ড অচিৰেই দিয়া হ’ব।
এইবাৰ ৰেচন কাৰ্ডৰ লগত আন এক সুবিধা দিয়াৰ কথাও ঘোষণা
ৰেচন কাৰ্ড থকাসকলে বছৰি ৫লাখ টকালৈকে বিনামূলীয়া চিকিৎসা সেৱা লাভ কৰিব।
আয়ুস্মান কাৰ্ড নথকালৈকে ৰেচন কাৰ্ড দেখুৱাইয়ে এই সুবিধা আদায় কৰিব পাৰিব।
২ অক্টোবৰত অৰুণোদয় আঁচনিত সামৰি লোৱা হ’ব ৭ লাখ মহিলাক
আগন্তুক বৰ্ষলৈ ৩৫ লাখ মহিলাই লাভ কৰিব অৰুণোদয় আঁচনি
অৰুণোদয়ৰ আঁচনিৰ ধন কম সময়তে ১৪০০টকালৈ বৃদ্ধি কৰা হ’ব।
মাহে মাহে ১৪০০ টকাকৈ বেংক একাউণ্টত পোনপটীয়াকৈ সোমোৱাই দিয়া হ’ব।
আত্মসহায়ক গোটৰ মহিলাসকলেও ব্যৱসায়ৰ বাবে লাভ কৰিব ধন।
আত্মসহায়ক গোটৰ সদস্যাসকলৰ একাউণ্টত পোনপটীয়াকৈ ১০০০০ টকাকৈ সোমোৱাই দিয়া হ’ব।
১০ হাজাৰ টকা লৈ ভাল কাম কৰাসকলে পাছত ২৫০০০ কৈ ধন লাভ কৰিব।
৪০,০০০ আত্মসহায়ক গোটৰ মহিলাই লাভ কৰিব ধন।
২৫ হাজাৰ টকাৰ ১২৫০০ বেংকৰ ঋণ হ’ব, বাকী ধন চৰকাৰে পোহপটীয়াকৈ ঘূৰাই দিব।
যুৱকসকলৰ বাবেও বিশেষ আঁচনি ঘোষণা মুখ্যমন্ত্ৰীৰ।
ব্যৱসায় কৰিব খোজা যুৱক-যুৱতীক ২ লাখ টকাকৈ ধন একাউণ্টত পোহপটীয়াকৈ দিয়া হ’ব।
প্ৰথম কিস্তিত ১ লাখ টকা লাভ কৰিব এইসকল যুৱকে।
অসমৰ হাইস্কুলসমূহলৈ ৫ কোটিকৈ ধন মুকলি কৰি দিয়া হ’ব।
প্ৰাইভেট স্কুললৈ যাতে ছাত্ৰ-ছাত্ৰী নাযায় তাৰবাবে উন্নীত কৰা হ’ব চৰকাৰী বিদ্যালয়সমূহ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
